کښې تيروله۔ ^([1])

هم داسې د حضرت رابعه بصريه رَحْمَةُ اللهِ عَلَيْها پۀ باره کښې منقول دي چې هغې به ټوله شپه عبادت کولو، بيا به د سحر د نـمونځ نه لږ مخکښې هم پۀ مُصله باندې سملاستله، کله چې به د سحر د نـمونځ وخت شو نو راپاڅيدله به او خپل نفس ته به يـې وئيل: رابعې! د څو پورې به اوده يـې، کيدے شي چې هم دا ستا اخرۍ ورځ وي، نن عبادت اوکړه! پۀ قبر کښې به پۀ ارام سملې ۔ پۀ دې وئيلو سره به پۀ عبادت کښې مصروفه شوله او ټوله ورځ به يـې پۀ عبادت کښې تيروله، بيا به چې کله شپه شوه نو ځان ته به يـې وئيل: رابعې! کيدے شي چې هم دا ستا اخرۍ شپه وي، نن عبادت اوکړه! پۀ قبر کښې به پۀ ارام سملې ۔ پۀ دې وئيلو سره به يـې ټوله شپه پۀ عبادت کښې تيروله۔ ^([2])

سُبْحٰنَ اللہ! دا دے سيلف موټيويشن يعنې خپل ځان له هم پخپله د نيک کارونو رغبت ورکول، مونږ له هم دا انداز اِختيارول پکار دي * د عبادت فضيلتونه لولئ! * دغه فضيلتونه پۀ زړۀ زړۀ کښې بيا بيا يادوئ! * د جَنَّت د نعمتونو ذِکر لولئ! او * پۀ خپل ځان کښې د دغه نعمتونو حِرص پيدا کوئ،  اِنْ شَآءَ اللہُ الْکَرِیم ! پۀ نيک کارونو کښې به ناراستي نۀ راځي۔