اِهو ايمان افروز منظر ڏسي اسان اڃان حيران ئي هئاسين ته حضرت مُوَرِّق رَحمۃُ اللہِ عَلَیْہ پنهنجي مُنهَن تان ڪفن هٽايو ۽ چيائون: ڇا توهان ماڻهن ڪجهه ڏٺو آهي؟ اسان چيو: ها! هِن هِن طرح 3 نور بلند ٿيندي ڏٺا آهن. پاڻ فرمايائون: اِها سورة   السجدة  آهي جيڪا مان هر روز رات جو پڙهندو هئس * هن جي ابتدائي 14 آيتن جو نور منهنجي مٿي مان * آخري 14 آيتن جو نور پيرن جي طرف کان * ۽ آيتِ السجده جو نور منهنجي جسم جي وچ واري حصي مان بلند ٿيو آهي، اها مبارڪ سورت منهنجي شفاعت ڪرڻ جي لاءِ آسمانن جي طرف وئي آهي ۽ سورة   المُلک هن وقت منهنجي حفاظت ڪري رهي آهي. ايترو چوڻ کان پوءِ پاڻ ٻيهر انتقال ڪري ويا.^[1]

سُبْحٰنَ اللہ! پيارا اسلامي ڀائرو! ڪيڏي نه ايمان افروز ڳالهه آهي، ٿورو تصور ڪريو! ان مرڻ واري جا ڪهڙا نه مزا هوندا، جنهن کي روح نڪرڻ سان ئي قرآني سورتن جو اهڙو فيضان نصيب ٿي وڃي.

هونئن ته مرڻ تمام مشڪل ڪم آهي،افسوس! * اُهي روح نڪرڻ جون سختيون، تلوار جي هزار وارَن کان وڌيڪ سخت تڪليف * مٿان وري دنيا کي ڇڏڻ جو غم * عزيزن، رشتيدارن * آل ۽ اولاد کان جدائي جو صدمو * ان سان گڏوگڏ قبر جي تنهائي، وحشت ۽ انڌيري کي مُنهُن ڏيڻ * هزارين قسم جون مشڪلاتون آهن، جن سان مرڻ واري کي روح نڪرڻ سان ئي مُنهُن ڏيڻو پوندو آهي.

مرڻو ته اسان سڀني کي آهي ئي، الله پاڪ خير ۽ عافيت وارو وقت آڻي،