موجوده لمحي تي اختيار ڏنو ويو آهي، اسان پنهنجي موجوده لمحي ۾ نيڪي ڪندا آهيون يا گناهه ڪندا آهيون؟ نماز پڙهندا آهيون يا معاذ الله شراب پيئڻ پسند ڪندا آهيون * تلاوت ڪندا آهيون يا غيبت ۽ چغلي جو انتخاب ڪندا آهيون * سچ ڳالهائيندا آهيون يا ڪوڙ ڳالهايون ٿا * ٻين کي تڪليف پهچايون ٿا يا ساڻن ڀلائيءَ جو رويو اختيار ڪريون ٿا؟ اِهو اسان کي اختيار ڏنو ويو آهي ۽ ان ۾ ئي آزمائش آهي، اسان جهڙي عمل جو انتخاب ڪنداسين، اهڙو ئي نتيجو حاصل ڪنداسين، گناهه جي راهه اختيار ڪنداسين ته سزا جا حقدار ٿينداسين، نيڪي جو رستو اختيار ڪنداسين ته جزا جا حقدار ٿي وينداسين.

هر ساههُ گِروِي رکيل آهي

پيارا اسلامي ڀائرو! سيپارو: 29، سورت المدثر جي آيت نمبر 38 ۾ الله پاڪ ارشاد فرمائي ٿو:

كُلُّ نَفْسٍۭ بِمَا كَسَبَتْ رَهِیْنَةٌۙ(۳۸)(پارو: 29، سورة المدثر: 38)

ترجموڪنزالعرفان: هر ساههُ پنهنجي ڪيل عملن ۾ گروي رکيل آهي. پر ساڄي طرف وارا.

مطلب هي آهي ته الله پاڪ اسان کي زندگي بخشي، جسم ڏنو، هٿ پير ڏنا، اک، ڪن، نڪ، عقل ۽ سمجهه عطا فرمائي، پوءِ اسان تي احڪام لازم فرمايا، ڪجهه شيون اسان تي فرض آهن، ڪجهه اسان تي الله پاڪ جا واجبات آهن، هاڻي انهن فرائض ۽ واجبات جي بدلي اسان جي جانِ گروي رکيل آهي، جيڪڏهن اسان اُهي فرضَ ۽ واجبَ ادا ڪنداسين ته اسان پنهنجي جان جهنم