Book Name:Surah e Mulk Fazail o Mazameen
حديث پاڪ ۾ آهي: اِنَّمَا الْاَعْمَالُ بِالنِّیَّات عملن جو دارومدار نيتن تي آهي. ([1])
اي عاشقانِ رسول! سٺين سٺين نيتن سان عمل جو ثواب وڌي ويندو آهي، اچو ته بيان ٻڌڻ کان پهريان سٺيون سٺيون نيتون ڪري وٺون ٿا. نيت ڪيو ته ! * الله جي رضا جي لاءِ بيان ٻڌندس * بااَدَب ويهندس* خوب توجهه سان بيان ٻڌندس * جيڪو ٻڌندس ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
سُورة سجدھ ۽ سُورة مُلک پڙهڻ جي فضيلت
امام جلال الدين سيوطي شافعي رَحمۃُ اللہِ عَلَیْہ جيڪي پنهنجي دور جا تمام وڏا عالم، مفسر، محدث ۽ ڪامل ولي ٿي گذريا آهن. انهن پنهنجي ڪتاب شرح الصدور ۾ هي واقعو لکيو آهي ته: حضرت اَبَان بن ابو عياش رَحمۃُ اللہِ عَلَیْہ فرمائن ٿا: جڏهن حضرت مُوَرِّق عجلي رَحمۃُ اللہِ عَلَیْہ جي وفات ٿي ته ان وقت مان سندن ويجهو ئي موجود هئس. جڏهن کين ڪفن ڏنو ويو ته اسان ڏٺو ته * انهن جي مٿي مبارڪ مان هڪ نُورُ نڪتو ۽ ڇِتِ (Roof) کي چيريندو مٿي هليو ويو * پوءِ اهڙو ئي هڪ ٻيو نور سندن پيرن کان بلند ٿيو * ۽ وري ٽيون ڀيرو هڪ اهڙو ئي نور سندن جسم جي وچ واري حصي مان نڪتو ۽ آسمان ڏانهن هليو ويو.