Book Name:Surah e Mulk Fazail o Mazameen
زمين ۽ آسمان جي وچ ۾ ڪنهن روڪي رکيو آهي...؟ يقيناً اُهو ربِ رحمٰن ۽ رحيم ئي آهي.
آيت 23-24 ۾ فرمايو ويو: اُهو رب رحمٰن ۽ رحيم آهي جنهن توهان کي پيدا ڪيو، توهان جي لاءِ ڪَنَ، اکيون ۽ دل ٺاهي، اُهو ئي الله پاڪ آهي، هُن ئي توهان کي زمين ۾ پکيڙي ڇڏيو، پوءِ اُن جي ئي طرف توهان موٽايا ويندؤ.
سُبْحٰنَ اللہ! پيارا اسلامي ڀائرو! هنن مضمونن تي بار بار غور ڪريو! واقعي منهنجي رب ڪريم جو ڪيڏو نه عظيم شان آهي...!! ڪهڙيون ڪهڙيون اعليٰ تخليقون آهن، انهن کي ڏسي، انهن ۾ غور ڪري ايمان وارن جون دليون پڪاري چونديون آهن:
تَبٰرَكَ الَّذِیْ بِیَدِهِ الْمُلْكُ٘- وَ هُوَ عَلٰى كُلِّ شَیْءٍ قَدِیْرُۙ(ﰳ۱) (پارو: 29، سورة مُلک: 1)
ترجموڪنز العرفان: وڏي برڪت وارو آهي، اُهو جنهن جي قبضي ۾ سڄي بادشاهي آهي ۽ اُهو هر شيءِ تي خوب قادر آهي.
پيارا اسلامي ڀائرو! هونئن ته سورة الملك ۾ ٻيا به ڪيترائي سٺا سٺا مضمون موجود آهن، پر! سڀ کان اهم مضمون جن کي هن سورت جا مکيه مضمون قرار ڏئي سگهجي ٿو، اهي 2 آهن: