سورة  الملك پڙهي يا ٻڌي ورتي؟

توهان به نيت ڪري وٺو ته اڄ کان ئي اِنْ شَآءَ اللہُ الْکَرِیْم! هن نيڪ عمل تي مضبوطي سان عمل ڪنداسين ۽ روزانو رات جو سورة    الملك پڙهي يا ٻڌي وٺنداسين.

سُورة مُلک جي مضمونن جو خلاصو 

پيارا اسلامي ڀائرو! سورة    الملك هُونئن ته هڪ مختصر سورت آهي، پر هن جا مضمون تمام گہرا آهن، ان ۾ معلومات تمام اعليٰ موجود آهي، هن مبارڪ سورت ۾ الله پاڪ جي قدرتن کي بيان ڪيو ويو آهي، آيت نمبر 3 ۽ 4 ۾ فرمايو ويو: اُهو ئي خدا آهي، جنهن هڪٻئي جي مٿان 7 آسمان ٺاهيا، ڇا توهان کي ربِ رحمٰن جي تخليق ۾ ڪا گهٽتائي نظر اچي ٿي؟ پنهنجون نظرون مٿي کڻو...!! آسمان ڏانهن ڏسو...!! هيڏو وڏو، وسيع ۽ ڪشادو آسمان جنهن سموري زمين کي گهيري رکيو آهي، بغير سَهاري جي بيٺل ايڏي وڏي ڇِت...!! ڇا توهان کي ان ۾ ڪٿي به ڪا ٿوري رڪاوٽ، ڪو سوراخ نظر اچي ٿو؟ ٻيهر نظرون کڻو! ٻيهر ڏسو...!! بار بار ڏسو...!! چڱي طرح غور سان ڏسو...!! هزار ڀيرا به ڏسندؤ تڏهن به توهان جي نظر نامراد ٿي واپس موٽي ايندي، آسمان ۾ ڪٿي به ڪو ننڍڙو سوراخ به نظر نه ايندو. سُبْحٰنَ اللہ! ڪيڏي زبردست تخليق آهي...!!

آيت: 19 ۾ فرمايو ويو: پنهنجي مٿان اڏامڻ وارن پکين کي ڏسو...!! اُهي ڪيئن هوا ۾ پنهنجا پَرَ پکيڙي بيٺا هوندا آهن، ڪرندا نه آهن، انهن کي