سے منتخب کر کے سیکھا اور میری تلاوت کی ، کیا تو اُسے آگ سے جلائے گا اور عذاب دے گا حالانکہ میں اُس کے پیٹ میں ہوں؟الٰہی! اگر تیرا یہی ارادہ ہے تو مجھے اپنی کتاب سے مٹا دے۔ اللہ پاک نے فرمایا: میں تجھےناراض ہوتا دیکھ رہا ہوں۔ سورۂ مُلْک نے عرض کی : ناراض ہونا میرا حق ہے۔ اللہ پاک نےارشادفرمایا : جا میں نے اُسے تیرے حوالے کیا اور اُس کے حق میں تیری سفارش قبول کی۔ چنانچہ وہ واپس گئی اور عذاب کا فرشتہ خالی ہاتھ واپس چلاگیا۔ پھر سورۂ مُلْک نے اُس میّت کے منہ پر اپنا منہ رکھ کرکہا : کیا ہی خوب ہے یہ منہ جواکثر میری تلاوت کرتا تھا ، کیا ہی خوب ہے یہ سینہ جس نے مجھے مَحْفُوظ  کیا اورکیا ہی خوب ہیں یہ قدم جن کا سہارا لے کرمجھے تلاوت کیا جاتا تھا۔ پھر وہ قبر میں اُس کادل بہلاتی رہتی ہےتاکہ اُسے وَحْشَت نہ ہو۔ حضرت اَنَس بن مالک  رَضِیَ اللہ عنہ   فرماتے ہیں : جب پیارے آقا  صَلَّی اللہ عَلَیْہِ وَ آلِہٖ وَ سَلَّم نے  یہ بات بیان فرمائی تو ہر چھوٹے بڑے ، آزاد وغلام نے اِس سورت کو سیکھ لیا اور آپ  صَلَّی اللہ عَلَیْہِ وَ آلِہٖ وَ سَلَّم نے  اِس کا نام مُنْجِیَہ(نجات دلانے والی) رکھا۔^([1])

سور ۂ مُلْک  پڑھنے کی عادت بنائیے!

سُبْحٰنَ اللہ! پیارے اسلامی بھائیو! دیکھیے! کتنی پیاری پیاری روایات ہیں، کاش! ہم عمل کرنے والے بن جائیں۔ اَلحمدُ للہ! شیخِ طریقت، امیر اہلسنت مولانا الیاس قادری  دَامَتْ بَرَکاتُہمُ العالیہ  نے ہمیں نیک بننے کے لیے جو 72 نیک اعمال کا نسخہ عطا فرمایا ہے، اس میں بھی سورۂ مُلْک  کی تلاوت والا نیک عمل شامل ہے، چنانچہ نیک عمل نمبر:4ہے: کیا آج آپ نے رات میں سورۂ مُلْک  پڑھ یا سُن لی؟