Book Name:Surah e Mulk Fazail o Mazameen
سُورت میری شفاعت کرنے کے لیے آسمانوں کی طرف گئی ہے اور سورۂ مُلْک اِس وقت میری حفاظت کر رہی ہے۔ اتنا کہنے کے بعد آپ پِھر سے انتقال فرما گئے۔([1])
سُبْحٰنَ اللہ! پیارے اسلامی بھائیو! کتنی اِیْمان اَفْروز بات ہے، ذرا تَصَوُّر باندھیے! اُس مَرنے والے کے کیسے مزے ہوں گے، جسے رُوح نکلنے کے ساتھ ہی قرآنی سُورتوں کا ایسا فیضان نصیب ہو جائے۔
ورنہ تو مَرنا بہت ہی مشکل کام ہے، آہ! * وہ رُوح نکلنے کی سختیاں، تلوار کے ہزار وار سے زیادہ سخت تکلیف* پِھر دُنیا چھوٹنے کا غم* عزیز رشتے داروں* آل اَوْلاد سے جُدائی کا صدمہ* اِس کے ساتھ ہی قبر کی تنہائی، وحشت اور اندھیرے کا سامنا* ہزار طرح کی مشکلات ہیں، جن سے مُردَہ رُوح نکلنے کے ساتھ ہی دوچار ہو جاتا ہے۔
مَرنا تَو ہم سب نے ہی ہے، اللہ پاک خیر و عافیت والا وقت لائے، اپنے آپ کو اِس جگہ رکھ کر سوچئے! جب ہماری رُوح تَن سے جُدا ہو، اِس کے ساتھ ہی قرآنی سُورتیں ہماری مدد کے لیے پہنچ جائیں، نزع کی سختیوں کا اِحساس تک نہ ہونے دیں، حفاظتی حِصَار بنا کر ہمیں عذابِ قبر سے بچانے میں لگ جائیں، کوئی مقدَّس سُورت اللہ پاک کے حُضُور ہماری شفاعت کر رہی ہو، کوئی سُورت عذاب کے فرشتوں سے ہمیں بچا رہی ہو، کوئی مبارَک سُورت ہمیں وحشت و تنہائی سے بچانے کے لیے دِل بہلا رہی ہو...!! سُبْحٰنَ اللہ! مَزے کو مَزہ ہی آجائے گا۔
ظاہِر ہے ایسے فضائِل پانے کے لیے ابھی اِس دُنیا کی زندگی میں ہمیں محنت کرنی ہو