Surah e Mulk Fazail o Mazameen

Al Quran Books Madani Channel

Magazine Courses Media

اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجیے!*رضائے الٰہی کے لیے بیان سُنوں گا*بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب! صَلَّی اللہ عَلٰی مُحَمَّد

سورۂ سجدہ اور سورۂ مُلْک پڑھنےکی فضیلت

امام جلالُ الدِّین سیوطی شافعی رَحمۃُ اللہ عَلَیْہ جو اپنے دور کے بہت بڑے عالِم، مُفسِّر، محدِّث اور وَلِئِ کامِل ہیں، آپ نے اپنی کتاب شرحُ الصُّدور میں یہ واقعہ لکھا؛ حضرت اَبَان بن اَبُو عیّاش رَحمۃُ اللہ عَلَیْہ فرماتے ہیں: جب حضرت مُوَرِّق عَجلی رَحمۃُ اللہ عَلَیْہ کی وفات ہوئی، اُس وقت مَیں آپ کے قریب ہی مَوْجُود تھا، جب اُنہیں کفن دے دیا گیا تو ہم نے دیکھا کہ * اُن کے سر سے ایک نُور نکلا اور چھت(Roof) کو چیرتا ہوا اُوپَر کو چلا گیا* پِھر ایسا ہی ایک نُور پاؤں کی طرف سے بلند ہوا* پِھر ایسا ہی نُور جسم کے درمیانی حصّے سے نکلا اور آسمان کی طرف بلند ہو گیا۔

اَبھی اِس اِیْمان اَفْروز مَنْظَر کو دیکھ کر حیران ہی ہو رہے تھے کہ حضرت مُوَرِّق رَحمۃُ اللہ عَلَیْہ نے اپنے چہرے سے کفن ہٹایا اور کہا: کیا تم لوگوں نے کچھ دیکھا ہے؟ ہم نے کہا: جی ہاں! ایسے ایسے 3نُور بلند ہوتے دیکھے ہیں۔ آپ نے فرمایا: یہ سُورۂ سجدہ ہے جو میں ہر رات پڑھتا تھا* اِس کی ابتدائی 14 آیات کا نُور میرے سر سے*آخری 14 آیات کا نُور قدموں کی جانِب سے * اور آیتِ سجدہ کا نُور جسم کے درمیانی حصّے سے بلند ہوا، یہ مبارَک

Important

Mobile Apps

Contact Us