Surah e Mulk Fazail o Mazameen

Al Quran Books Madani Channel

Magazine Courses Media

ایک نہایت ظالم حکمران ہو اہے: حَجَّاج بن یُوسُف۔ اس کی فوج کا ایک سپہ سالار تھا، جس کا نام تھا: مُہْلِب۔ ایک دِن مُہْلِب ریشمی کپڑے پہنے، اکڑ کر تکبر سے چَل رہا تھا، حضرت مُطَرِّف بِنْ عبد اللہ رَحمۃُ اللہ عَلَیْہ نے اسے یُوں تکبر کی چال چلتے دیکھا تو دِل میں نیکی کی دعوت کا جذبہ بیدار ہوا، چنانچہ آپ رَحمۃُ اللہ عَلَیْہ مُہْلِب کے قریب تشریف لائے اور فرمایا: اے بندۂ خُدا! چلنے کا یہ انداز اللہ پاک کے ناپسندیدہ لوگوں کا اور رسول اللہ صَلَّی اللہ عَلَیْہِ وَ آلِہٖ وَ سَلَّم کے دُشمنوں کا ہے۔

مُہْلِب بھلا فوج کا سپہ سالار تھا، عہدے اور منصب کا نشہ اس کے سَر پر جادُو کی طرح سُوار تھا، جب اس نے دیکھا کہ ایک شخص اسے نصیحت کر رہا ہے تو تَیْوَر چڑھا کر بولا: جانتے ہو میں کون ہوں؟ حضرت مُطَرِّف بِنْ عبد اللہ رَحمۃُ اللہ عَلَیْہ بھی ماشَآءَ اللہ الْکَرِیْم! زِندہ دِل تھے، آپ نے نرمی سے ارشاد فرمایا: ہاں! جانتا ہوں تم کون ہو؛ اَوَّلُکَ نُطْفَۃٌ مَذِرَۃٌ تم پہلے ایک ناپاک نطفہ تھے، وَ آخِرُکَ جِیْفَۃٌ قَذِرَۃٌ انتہا میں تم ایک گندے مردار ہو جاؤ گے وَاَنْتَ بَیْنَ ذَالِکَ تَحْمِلُ الْعَذِرَۃَ اور ان دونوں حالتوں کے درمیان تم پیٹ میں گندگی اُٹھائے ہوئے ہو۔ یہ سُن کر مُہْلِبْ کی عقل ٹھکانے آگئی ، اُس نے تکبر والی چال تَرْک کی اور آگے روانہ ہو گیا۔^{(^[1])}

پیارے اسلامی بھائیو! یہ غور کا مقام ہے، ہم واقعی بہت عاجز مخلوق ہیں، بھلائی اسی میں ہے کہ ہم لوگ اللہ پاک کے حُضُور عاجزی اور انکساری کا مظاہَرہ کریں اور اپنا سَر ہمیشہ

[1]...الباب فی علوم الکتاب، پارہ:29،سورۂ معارج، زیر آیت:39، جلد:19، صفحہ:375 خلاصۃً۔

Important

Mobile Apps

Contact Us