Surah e Mulk Fazail o Mazameen

سُبْحٰنَ اللہ! پیارے اسلامی بھائیو! ان مضامین پر بار بار غور فرمائیے! واقعی میرے رَبِّ کریم کی کیسی عظیم شان ہے...!! کیسی کیسی اعلیٰ تخلیقات ہیں، انہیں دیکھ کر، ان میں غور کر کے اِیْمان والوں کے دِل پُکار اٹھتے ہیں:

تَبٰرَكَ الَّذِیْ بِیَدِهِ الْمُلْكُ٘- وَ هُوَ عَلٰى كُلِّ شَیْءٍ قَدِیْرُۙ(ﰳ۱) (پارہ:29، سورۂ مُلْک:1)

تَرْجمۂ کَنْزُالعِرْفان:بڑی برکت والا ہے وہ جس کے قبضے میں ہی ساری بادشاہی ہے اور وہ ہر چیز پر خوب قادر ہے۔

سور ۂ مُلْک کے 2مرکزی مضامین

پیارے اسلامی بھائیو! ویسے تو سورۂ مُلْک میں اور بھی بہت سارے پیارے پیارے مضامین ہیں، البتہ! بہت اَہَم مضامین جنہیں اِس سُورت کے مرکزی مضامین قرار دیا جا سکتا ہے، وہ 2 ہیں:

(1):مُلْک، قدرت، اختیار سب اللہ کا ہے

پہلا اَہَم مرکزی مضمون وہ ہے جو اِس سُورت کے بالکل ابتدائی جملے میں ارشاد ہوا:

تَبٰرَكَ الَّذِیْ بِیَدِهِ الْمُلْكُ٘- (پارہ:29، سورۂ مُلْک:1)

تَرْجمۂ کَنْزُالعِرْفان:بڑی برکت والا ہے وہ جس کے قبضے میں ہی ساری بادشاہی ہے۔

یعنی مُلْک، قُدْرت، اختیار سب کا سب اللہ پاک کا ہے۔ وہی اِس شان کامالِک ہے کہ جس کی مرضِی اس کائنات میں نافِذ ہے۔ ایک شاعِر نے کہا تھا:

کسی کو سوچوں نے کب سراہا، وہی ہُوا جو خُدا نے چاہا

جو سب کے ماتھے پہ مہر قدرت لگا رہا ہے، وہی خُدا ہے

Important

Mobile Apps

Contact Us