Share this link via
عبادت جي راھ ۾ رڪاوٽون
يعني عبادت جي راھ ۾ مشڪلاتون اينديون، مشقت ٿيندي پر توهان ان تي ثابت قدم رهو، دل سان، مستقل مزاجي سان عبادت ڪندا رهو![1]
پيارا اسلامي ڀائرو! هي هڪ بهترين سبق آهي: عبادت ڪرڻ ۽ دل سان، مستقل مزاجيءَ سان ڪرڻ. اسان وٽ اهو هڪ وڏو مسئلو آهي. اسان عبادت جي طرف مائل ته ٿي ويندا آهيون پر ان تي استقامت اختيار ناهيون ڪندا، دل سان عبادت ناهيون ڪندا. هاڻي جيئن رمضان ڪريم تشريف کڻي آيو، رمضان ڪريم جي اچڻ سان عبادت جي رغبت وڌندي آهي، اسان تمام گهڻا نيڪ ارادا ڪندا آهيون پر آهستي آهستي شوق ۾ گهٽتائي اچڻ شروع ٿي ويندي آهي. رمضان ڪريم جي پهرين عشري ۾ مسجدن ۾ رونق هوندي آهي، تراويح ۾ به هڪ سٺو تعداد نظر ايندو آهي، تلاوت جي طرف به ماڻهو مائل ٿيندا آهن پر ٻئي عشري ۾ اهو شوق گهٽ ٿي ويندو آهي، نمازين جي تعداد ۾ به گهٽتائي اچي ويندي آهي، تراويح ۾ به ٿورا ماڻهو رهجي ويندا آهن، اها جيڪا گهٽتائي آهي، اها نه ٿيڻ گهرجي، اها سٺي ڳالهه ناهي.
مسلمانن جي پياري امڙ سائڻ سيده عائشه صديقه رَضِیَ اللہُ عنہا کان پڇيو ويو: پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم جو سڀ کان پسنديده عمل
