Share this link via
عبادت جي راھ ۾ رڪاوٽون
رهيو آهي، رمضان ڪريم نيڪين جي بهار جي موسم آهي پر افسوس! اسان وٽ ان کي تجارت جي بهار جي موسم بڻايو ويندو آهي. صحابهءِ ڪرام عَلَیْہمُ الرِّضْوَان جو اهو انداز هو ته شعبان شريف کان ئي پاڻ کي رمضان مهيني جي عبادت لاءِ فارغ ڪرڻ شروع ڪري ڏيندا هئا پر اسان وٽ ماڻهو رمضان مهيني ۾ پاڻ کي وڌيڪ مصروف ڪري وٺندا آهن، عام ڏينهن ۾ ته پوءِ به نمازون وقت تي پڙهي وٺندا آهن، رمضان ڪريم ۾ ته ڪاروبار ۾ ايتري مصروفيت وڌندي آهي جو عبادت جي طرف توجهه ئي نه ٿي سگهندي آهي...!!
الله پاڪ اسان جي حال تي رحم فرمائي. هي سٺو انداز ناهي. مسلمان ٻانهو پهريان پنهنجي دين جي فڪر ڪندو آهي، پوءِ دنيا ڪمائيندو آهي. يقين مڃيو! جيڪڏهن اسان اهو انداز اپنائي وٺون، اسان نيڪيون ڪمائڻ جي فڪر ڪريون ته اِنْ شَآءَ اللہُ الْکَرِیْم! دنيا جا ڪم به خود بخود آسان ٿي ويندا.
حضور سرورِ ڪائنات، شاھِ موجودات صَلَّی اللہُ عَلَیْہِ وَ آلِہٖ وَ سَلَّم فرمايو: جيڪو دنيا سان محبت ڪندو آهي اهو پنهنجي آخرت کي نقصان پهچائيندو آهي ۽ جيڪو پنهنجي آخرت سان محبت ڪندو آهي اهو پنهنجي دنيا جو نقصان ڪندو آهي، تنهنڪري باقي رهڻ واري (آخرت) کي فنا ٿيڻ واري (دنيا) تي ترجيح ڏيو.[1]
