Share this link via
عبادت جي راھ ۾ رڪاوٽون
هن رڪاوٽ جو هڪ بهترين حل اهو به آهي ته اسان پنهنجي ترجيحات طئي ڪريون. حضرت عليُ المرتضيٰ، شيرِ خدا رَضِیَ اللہُ عنہ تمام بلند رتبي وارا صحابي آهن، مسلمانن جا چوٿان خليفه آهن، هڪ ڀيري سندن شهزادي امام حسن مجتبيٰ رَضِیَ اللہُ عنہ کين پڇيو:بابا سائين! هي ٻڌايو ته ڇا توهان کي مون سان محبت آهي؟ فرمايائون: ها! بلڪل آهي. عرض ڪيائون: ڀاءُ حسين رَضِیَ اللہُ عنہ سان به محبت ڪندا آهيو؟ فرمايائون: ها! بلڪل ڪندو آهيان. عرض ڪيائون: امڙ سائڻ سان به پيار ڪندا آهيو؟ فرمايائون: ها! ڪندو آهيان. پوءِ پڇائون: ۽ رسول الله صَلَّی اللہُ عَلَیْہِ وَ آلِہٖ وَ سَلَّم سان به محبت آهي؟ فرمايائون: بلڪل آهي. امام حسن رَضِیَ اللہُ عنہ پڇيو: الله پاڪ سان به محبت آهي؟ فرمايائون: ضرور آهي. هاڻي شهزادي عرض ڪيو: سيني ۾ دل ته هڪ آهي، پوءِ هڪ دل ۾ ايتريون ساريون محبتون ڪيئن گڏ ٿي سگهن ٿيون؟ حضرت عليُ المرتضيٰ، شيرِ خدا رَضِیَ اللہُ عنہ باب مدينۃ ُالعلم (يعني علم جي شهر جو دروازو) آهن، فرمايائون: پٽ! مان توهان سڀني سان محبت ڪريان ٿو (پر اهي سڀ محبتون الله پاڪ جي رضا جي لاءِ آهن)، جيئن ئي عبادت جو وقت ٿيندو آهي، مان توهان سڀني کي وساري الله پاڪ جي عبادت ۾ مصروف ٿي ويندو آهيان.[1]
سبحان الله! هي آهي ترجيحات...!! * اسان کي پنهنجي ٻارن سان به محبت آهي* دوست احباب سان به لڳاءُ آهي* پاڙيسرين وٽ به ويهندا آهيون * ماسات، مامي، چاچي جي پٽن سان به سُٺي لڳندي آهي، اها تمام
