Share this link via
عبادت جي راھ ۾ رڪاوٽون
خدا! نفس نے ہے تباہی مچائی مری سب بری خواہشوں کو مٹا دے([1])
سُبْحٰنَ اللہ! ڪيڏو ڪمال جو صبر آهي، تير لڳو، ظاهر آهي تڪليف ته ٿي هوندي ان جي باوجود صحابيءِ رسول رَضِیَ اللہُ عنہ عبادت ۾ مصروف رهيا، ڪاش! اسان به اهڙا صبر ڪرڻ وارا بڻجي وڃون، اسان وٽ ته عجيب صورتحال آهي، ننڍين ننڍين ڳالهين جي ڪري اسان عبادت کان محروم رهجي ويندا آهيون* افطار پارٽي هجي ته نمازِ مغرب ۾ تاخير ڪري ڇڏيندا آهيون* جماعت ڇڏي ڏيندا آهيون* بلڪه نماز ئي قضا ٿي ويندي آهي، اهو به ڪو بعيد ناهي* ٿورو مٿي ۾ سور هجي* معمولي تڪليف اچي وڃي*ڪو دنياوي ڪم پئجي وڃي ته جماعت ڇٽي ويندي آهي، نمازون قضا ٿي وينديون آهن، معمول جا اوراد ۽ وظائف ڇڏيا ويندا آهن...!! ڪاش! اسان کي عبادت تي صبر نصيب ٿي وڃي. عبادت ڪرڻي آهي، ڪرڻي ئي ڪرڻي آهي، اسان جي زندگي جو اصل مقصد ئي عبادت آهي ته ان تي صبر اختيار ڪريون! مشڪل ٿيندي، ڪم به پوندا، مشقت به ٿيندي، سُستي به ايندي، نفس ڪمزوري به ڏيکاريندو، ٿي سگهي ٿو دل به نه لڳي پر اسان کي عبادت ڪندو ئي رهڻو آهي، ائين استقامت سان جيءُ جان سان لڳل رهنداسين ته اِنْ شَآءَ اللہُ الْکَرِیْم! هڪ وقت ايندو ته عبادت اسان جي روح جي غذا بڻجي ويندي، جيستائين عبادت نه ڪنداسين، سڪون ئي نه ملندو. الله پاڪ اسان کي اهڙي توفيق بخشي، ڪاش! عبادت جي لذت نصيب ٿي وڃي.
صبر سے اور نمازوں سے چاہو مدد پوری کروائے ہر ایک حاجت نماز
