Share this link via
عبادت جي راھ ۾ رڪاوٽون
دشمن جيڪو پهريون تير هلايو، اهو انصاري صحابي رضي الله عنه جي جسم ۾ پيوست ٿي ويو.
الله اڪبر! صحابهءِ ڪرام عَلَیْہمُ الرِّضْوَان جو ذوقِ عبادت صدمرحبا...! انصاري صحابي رَضِیَ اللہُ عنہ جي جسم ۾ تير پيوست ٿي چڪو هو، ان جي باوجود پاڻ ڪا حرڪت نه ڪيائين ۽ ساڳي طرح نماز ۾ مشغول رهيا، ظالم دشمن ٻيو تير هنيو، اهو به پاڻ رَضِیَ اللہُ عنہ جي جسمِ اقدس ۾ لهي ويو، انصاري صحابي رَضِیَ اللہُ عنہ اڃا به نماز نه ٽوڙي، دشمن ٽيون تير هنيو، اهو به صحابيءِ رسول رَضِیَ اللہُ عنہ جي جسم ۾ پيوست ٿي ويو، هاڻي اُن صحابي رَضِیَ اللہُ عنہ جلدي سان رڪوع ۽ سجدو ڪيو، نماز مڪمل فرمائي ۽ پنهنجي ساٿي کي جاڳايو. تير وسائڻ واري دشمن جڏهن ڏٺو ته هي اڪيلا ناهن، هنن جا رفيق به گڏ ئي آهن ته هو فوراً ڀڄي ويو. هيڏانهن مهاجر صحابي رَضِیَ اللہُ عنہ پنهنجي ساٿي کي زخمي حالت ۾ ڏٺو ته جلدي جلدي سندن جسم مان تير ڪڍيا ۽ پڇيو: توهان تي دشمن حملو ڪيو ته توهان مون کي ڇو نه جاڳايو؟ ان تي قرآن ۽ نماز جي شوقين ان انصاري صحابي رَضِیَ اللہُ عنہ چيو: مون نماز ۾ هڪ سورت جي تلاوت شروع ڪئي هئي، مون اهو پسند نه ڪيو ته سورت کي اڌورو ڇڏي نماز ٽوڙي ڇڏيان. خدا جو قَسم! جيڪڏهن مون کي حضور صَلَّی اللہُ عَلَیْہِ وَ آلِہٖ وَ سَلَّم پهري جي ذميواري نه ڏني هجي ها ته مان پنهنجي جان ڏئي ڇڏيان ها پر سورت ضرور مڪمل ڪريان ها.[1]
عِبادت میں لگ جائے دل یاالہٰی! مرے دل سے غَفلت کا پردہ ہٹا دے
