چوٿين خليفي حضرت عليُ الۡمرتضيٰ شيرِ خُدا رَضِیَ اللہُ عنہ جي شهادت ٿي.^[1] اسان بيان جي شروعات ۾ سيپارو: 17، سورت حج جي آيت: 19 ٻڌڻ جي سعادت حاصل ڪئي، اها آيتِ ڪريمه مولا علي رَضِیَ اللہُ عنہ جي شان ۾ ۽ غزوهءِ بدر جي بيان ۾ نازل ٿي آهي. جيئن ته عظيم صحابيءِ رسول حضرت ابوذر غفاري رَضِیَ اللہُ عنہ قَسم کڻي فرمائيندا هئا ته 3 صحابهءِ ڪرام جيڪي غزوهءِ بدر جي ڏينهن سڀ کان پهريان قريش جي ڪافرن جي مقابلي جي لاءِ اڳتي وڌيا هئا يعني حضرت علي، حضرت حمزه ۽ حضرت عُبيده بن ثابت رَضِیَ اللہُ عنہم، هي آيت (۽ ان کان اڳيون 6 آيتون) انهن 3 صحابن جي حق ۾ نازل ٿيون.^[2]

    روايتن ۾ آهي: غزوهءِ بدر جي ڏينهن جڏهن مسلمانن ۽ غيرمسلمن جا لشڪر آمهون سامهون ٿيا ته عُتبه، شيبه ۽ وليد بن عتبه جيڪي مڪي جا وڏا سردار (Tribal Chief) ۽ غيرمسلم هئا، اهي ٽئي لشڪر مان نڪري اڳتي ميدان ۾ آيا ۽ پُڪاري چيائون: اي مُحَمَّد (صَلَّی اللہُ عَلَیْہِ وَ آلِہٖ وَ سَلَّم)! اسان جي مقابلي جي لاءِ جوان موڪليو! انهن جي اها للڪار ٻڌي ڪجهه اَنصار صحابه اٿيا، سرڪارِ عالي وقار، مڪي مدني تاجدارصَلَّی اللہُ عَلَیْہِ وَ آلِہٖ وَ سَلَّم  فرمايو: توهان ويهي رهو! پوءِ فرمايائون: اي بنو هاشِم! توهان اڳتي وڌو! هي حڪمِ نبوي ٻڌي حضرت مولا علي، حضرت حمزه ۽ حضرت عبيده رَضِیَ اللہُ عنہم اڳتي وڌيا، حضرت علي رَضِیَ اللہُ عنہ عتبه سان، حضرت حمزه رَضِیَ اللہُ عنہ شيبه سان ۽ حضرت عبيده رَضِیَ اللہُ عنہ وليد سان مقابلو ڪيو ۽ ڪجھ ئي لمحن ۾ انهن ٽنهي غيرمسلمن