فرمائيلے شوےدے، يعنې هغوئي هٰغه ذِيشان دے کله چې د الله پاک د دِين پۀ مقابله کښې څوک راوځي، د الله پاک د ذات او د صفتونو پۀ باره کښې ګستاخي کولے شي نو هغوئي د ځان نه ډال جوړکړي او د دِين دخدمت د پاره ودريږي۔

مولیٰ علي  رَضِىَ اللهُ عَنْهُ او د قرآن خِدمت

صحابئ رسول حضرت ابو سعيد خدري  رَضِىَ اللهُ عَنْهُ فرمائي: يو ځل مونږ د رسولِ ذِيشان، مکي مَدَني سلطان  صَلَّى اللهُ عَلَيْهِ وَاٰلِهٖ وَسَلَّم  د تشريف راوړلو اِنتظار کولو، پۀ دې کښې رسول الله  صَلَّى اللهُ عَلَيْهِ وَاٰلِهٖ وَسَلَّم  د کور مبارک نه بهر تشريف راوړلو، مونږ ټول د هر کلي د پاره ودريدو۔ د نبي کريم  صَلَّى اللهُ عَلَيْهِ وَاٰلِهٖ وَسَلَّم  د نعل شريف (يعنې د پيزار مبارک) د ګنډلو حاجت وو، نو رسول الله  صَلَّى اللهُ عَلَيْهِ وَاٰلِهٖ وَسَلَّم  پيزار مبارک مولیٰ علي  رَضِىَ اللهُ عَنْهُ ته عطا کړلو، هغوئي پيزار مبارک ګنډلو ۔ هٰغه وخت رسولِ ذِيشان، مکي مَدَني سلطان  صَلَّى اللهُ عَلَيْهِ وَاٰلِهٖ وَسَلَّم  وفرمائيل: لکه څنګه چې ما ته د قرآنِ کريم د نازليدو پۀ باره کښې د غير مسلمو سره مقابله کول دي، پۀ تاسو کښې يو کَس دے، هغه به د قرآنِ کريم د تاوِيل پۀ باره کښې مقابله کوي (يعنې ځينې بد باطنه به د قرآنِ مجيد معانې بدلې کړي، پۀ تاسو کښې به يو کَس د هٰغه بد بختو سره مقابله کوي)۔ بيا نبي کريم  صَلَّى اللهُ عَلَيْهِ وَاٰلِهٖ وَسَلَّم  وفرمائيل:  هغه دا دے کوم چې اوس زما پيزار ګنډي۔ ^([1])

خوږو او محترمو اِسلامي وروڼو! دا واقعه د کومې غيبي خبر چې رسولِ ذِيشان  صَلَّى اللهُ عَلَيْهِ وَاٰلِهٖ وَسَلَّم  ورکړو، دا پۀ 38 هجرۍ وشوه، د کوفې اوسيدونکي ځينې منافقان خلق وو، هغوئي د قرآني آيتونو غلط مطلبونه ويستل شروع کړل او د هٰغه غلطو مطلبونو پۀ نوم هٰغه بدبختو پۀ حضرت مولیٰ علي  رَضِىَ اللهُ عَنْهُ باندې د کُفر فتویٰ هم ولګوله ^([2]) او بر نا حقه يې