Book Name:Maula Ali رَضِیَ اللہُ عنہ Ke Jannati Baghaat
ترجمو: الله پاڪ جي نالي سان، جنهن جي نالي جي برڪت سان زمين ۽ آسمان ۾ ڪا به شيءَ نقصان نه پهچائيندي آهي اهو ئي ٻڌندو، ڄاڻيندو آهي
مسافر چيو: اي الله جا ٻانها ...! ڇا توهان ڏسي نه رهيا آهيو ته اسان ڪهڙي مصيبت ۾ گرفتار آهيون، توهان پوءِ به آرام سان سُتا پيا آهيو. اُهي مجذوب بزرگ خاموش رهيا، زبان سان ڪجهه به نه چيائون، پوءِ هڪ ڪاغذ ڪڍيائون ۽ مسافر کي ڏيندي چيائون: هي ڪاغذ وٺ ۽ جهاز جي مٿان رکي اچ...!! اُهو مسافر چوي ٿو ته: مون انهن جي ڳالهه مڃي ۽ اهو ڪاغذ وٺي جهاز جي مٿان رکي ڇڏيو. جيئن ئي مون اِهو ڪم ڪيو، الله پاڪ منهنجي اکين تان پردا هٽائي ڇڏيا! ڇا ٿو ڏسان ٿو ته ڪيترائي ماڻهو آهن، جيڪي جهاز کي هڪ طرف کان پڪڙي خشڪيءَ ڏانهن ڌِڪي رهيا آهن. ان ڏينهن طوفان ايترو ته تيز هو جو ڪيترائي بحري جهاز ان جو مقابلو نه ڪري سگهيا ۽ ڀَڄِي ڀُرِي سمنڊ ۾ غرق ٿي ويا پر اسان تي ڪرم ٿيو، ان غيبي بزرگ اسان جو جهاز ڌِڪي خشڪيءَ تائين پهچائي ڇڏيو. اهو مسافر چئي ٿو: مان وڏو حيران ٿيس، جڏهن مون اهو ڪاغذ کوليو ته ڏٺم ته ان ۾ بدري صحابهءِ ڪرام رضي الله عنهم جا نالا لکيل هئا.
اَلحمدُ لِلّٰہ! انهن پاڪيزه نالن جي برڪت سان اسان جي جان بچي وئي، ٻئي ڏينهن اسان انهن نالن جو وظيفو پڙهندي جهاز ۾ سوار ٿياسين ۽ اِهي ئي نالا پڙهندي پڙهندي خير ۽ عافيت سان پنهنجي منزل تي پهچي وياسين. ([1])
جاں نثارانِ بدر و اُحُد پر درود حق گزارانِ بیعت پہ لاکھوں سلام ([2])
وضاحت: غزوه بدر ۽ اُحد ۾ دين لاءِ جانيون قربان ڪرڻ وارن تي درود