Book Name:Maula Ali رَضِیَ اللہُ عنہ Ke Jannati Baghaat
حديث پاڪ ۾ آهي: اِنَّمَا الْاَعْمَالُ بِالنِّیَّات عملن جو دارومدار نيتن تي آهي. ([1])
اي عاشقانِ رسول! سٺين سٺين نيتن سان عمل جو ثواب وڌي ويندو آهي، اچو ته بيان ٻڌڻ کان پهريان سٺيون سٺيون نيتون ڪري وٺون ٿا. نيت ڪيو ته ! * الله جي رضا جي لاءِ بيان ٻڌندس * بااَدَب ويهندس* خوب توجهه سان بيان ٻڌندس * جيڪو ٻڌندس ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
هڪ تمام خوبصورت واقعو ٻڌو! بيان ڪيو ويو آهي ته ڪجهه ماڻهو سمنڊ ۾ بحري جهاز (Ship) جي ذريعي سفر ڪري رهيا هئا. اوچتو تيز هوائون هلڻ لڳيون، جهاز لوڏا کائڻ لڳو، مسافرن جي دلين تي خوف طاري ٿي ويو، ڪلما، درود ۽ دعائون ٿيڻ لڳيون، دليون تيزيءَ سان ڌڙڪي رهيون هيون، سڀني کي اِهوئي خوف هو ته هاءِ! اسان وچ سمنڊ ۾ غرق ٿي موت جي مُنهَن ۾ هليا وينداسين. هڪ طرف جهاز ۾ ايڏو وڏو ڪهرام متل هو ۽ ٻئي طرف هڪ مجذوب (يعني عشقِ الاهي ۾ گُم رهڻ وارو) بزرگ هر شيءَ کان بي نياز ٿي جهاز جي هڪ ڪنڊ ۾ آرام سان سُتو پيو هو. هڪ مسافر جڏهن انهن کي ڏٺو ته سندن ويجهو ويو ۽ ان کي هٿ سان لوڏيائين، اوچتو اک کلي ته انهن فوراﹰ پڙهيو:
بِسْمِ اللہِ الَّذِیْ لَا یَضُرُّ مَعَ اسْمِہٖ شَیْءٌ فِی الْاَرْضِ وَ لَا فِیْ السَّمَاءِ وَہُوَ السَّمِیْعُ الْعَلِیْمُ