Book Name:Maula Ali رَضِیَ اللہُ عنہ Ke Jannati Baghaat
ڪرڻ جو ذهن به بڻجندو ۽ انهن جي باري ۾ ڪافي معلومات به حاصل ٿيندي.
الله پاڪ اسان کي عمل جي توفيق عطا فرمائي.
اٰمِیْنْ بِجَاہِ خاتَمِ النَّبِیّٖن صلَّی اللہُ عَلَیْہ ِوَاٰلِہٖ وَسَلَّمَ
پيارا اسلامي ڀائرو! امير المؤمنين حضرت مولا علي مشڪل ڪشاء رضي الله عنه جي ٻي نصيحت ڪهڙي آهي...؟ اچو ته ٻڌون! حضرت با يزيد بسطامي رَحمۃُ اللہِ عَلَیْہ تمام وڏا ولي الله ٿي گذريا آهن، هڪ دفعي سندن قسمت جاڳي پئي ۽ سندن خواب ۾ مسلمانن جا چوٿون نمبر خليفا، مولا علي مشڪل ڪشا رضي الله عنه تشريف کڻي آيا، حضرت با يزيد بسطامي رَحمۃُ اللہِ عَلَیْہ ادب سان عرض ڪيو: اي امير المؤمنين رضي الله عنه! مون کي فائدي واري ڳالهه سيکاريو! پاڻ رضي الله عنه کين ڪجهه نصيحتون ڪيون، پوءِ فرمايائون: سڀ کان بهترين نصيحت هيءَ آهي، ايترو چئي پاڻ پنهنجي مُٺِ کوليائون، ان تي سون جي پاڻي سان هي شعر لکيل هو:
كُنْتَ مَيِّتًا فَصِرْتَ حَيًّا وَعَنْ قَلِيلٍ تَکُونُ مَيِّتًا
فَابْنِِ بِدَارِ الْبَقَاءِ بَيْتًا وَاهْدِم بِدَارِ الْفَنَاءِ بَيْتًا
ترجمو: تون اڳ ۾ ڪجهه نه هئين ، پوءِ زندھ ڪيو وئين، عنقريب ٻيهر موت جي مُنهَن ۾ هليو ويندين، تنهنڪري باقي رهڻ واري جهان (يعني آخرت) ۾ پنهنجو گهر ٺاهِه! دارِ فنا (يعني دنيا) جو گهر ڊاهي ڇڏ! ([1])