Book Name:Maula Ali رَضِیَ اللہُ عنہ Ke Jannati Baghaat
فخر و غُرور سے تُو مولیٰ مجھے بچانا یا رَبّ! مجھے بنا دے پیکر تُو عاجِزی کا ([1])
صَلُّوْا عَلَی الْحَبِیْبِ! صَلَّی اللہُ عَلٰی مُحَمَّد
پيارا اسلامي ڀائرو! ٻيو مدني گُلَ جيڪو هن واقعي مان اسان کي سکڻ جي لاءِ مليو اُهو هِي آهي ته حضرت مولا علي رضي الله عنه کجورون وڪڻڻ واري کي فرمايو: جيڪڏهن تون مون کي راضي ڪرڻ چاهين ٿو ته ماڻهن جا حق پورا ڪندو ڪر.
هن مان معلوم ٿيو ته ماڻهن جا حق پورا ڪرڻ وڏي فضيلت ۽ اهميت وارو ڪم آهي، اسان سڀني کي گهرجي ته ٻانهن جا حق پورا ڪندا رهون * والدين جا به حق آهن * ڀينرن ۽ ڀائرن جا به حق آهن * اسلام پاڙيسرين جا به حق رکيا آهن * دوستن احبابن جا به حق آهن * اهلِ محله جا به حق آهن * دڪاندارن جا به حق آهن * گراهڪن جا به حق آهن، انهن سڀني جا حق پورا ڪرڻا آهن. اِنْ شَآءَ اللّٰهُ الْکَرِیْم!
ٻانهن جي حقن جِي اهميت وڌيڪ آهي
پيارا اسلامي ڀائرو! هيءَ ڳالهه هميشه ياد رکو ته حقوق العباد (يعني ٻانهن جا حق) جو معاملو تمام نازڪ آهي، بلڪه علماءِ ڪرام فرمائن ٿا: هڪ لحاظ کان حقوق العباد جو معاملو وڌيڪ سخت آهي ڇو ته قيامت جي ڏينهن الله پاڪ پنهنجا حق چاهي ته معاف ڪري ڇڏيندو پر ٻانهن جا حق تيسيتائين معاف نه ٿيندا جيستائين اهو ٻانهو پاڻ معاف نه ڪري.