پيارا اسلامي ڀائرو! حضرت مولا علي رضي الله عنه جو شان ته تمام وڏو آهي، ايترو ته وڏو آهي جو اسان جهڙا نڪما هرگز سندن شان بيان ڪرڻ جو حق ادا نه ٿا ڪري سگهن، وقت جيئن ته مختصر آهي  تنهنڪري اچو ته حضرت مولا علي رضي الله عنه جون 3 نصيحتون ٻڌون ٿا: 

(1): ٻَانَهن جا حق پُورا ڪرڻ جي نصيحت

تمام وڏا محدث، امام احمد بن حنبل رَحمۃُ اللہِ عَلَیْہ روايت ذڪر ڪن ٿا، جنهن جو مضمون هن طرح آهي ته مسلمانن جي چوٿين خليفي حضرت مولا علي رضي الله عنه جي خلافت جو زمانو هو، هڪ ڏينهن پاڻ بازار ڏانهن تشريف وٺي ويا ، ڏٺائون ته هڪ عورت بيٺي روئي رهي آهي، مولاءِ ڪائنات، مولا علي رضي الله عنه ان عورت کان روئڻ جو سبب پڇيو ته ان چيو: مان لونڊي آهيان، مان فلاڻي دڪاندار کان ڪجهه درهمن (Silver coins) جون کجورون خريد ڪيون هيون پر منهنجي مالڪ کي اهي کجورون پسند نه آيون ۽ ان واپس ڪري ڇڏيون، هاڻي دڪان وارو کجورون  واپس نه ٿو وٺي، ان ڪري مان پريشان آهيان. حضرت علي المرتضيٰ شير خدا رضي الله عنه کجور وڪڻڻ واري کي ان عورت جي سفارش ڪئي ۽ فرمايو: کجورون واپس وٺو  ۽ هِن ويچاريءَ کي سندس درهم موٽائي ڏيو، هيءَ ته ڪنيز آهي، پنهنجي مرضي نه ٿي هلائي سگهي. حضرت مولا علي رضي الله عنه تمام گهڻا عاجزي وارا هئا، جيئن اڄ ڪلهه ٿيندو آهي ته بادشاهه ڪيڏانهن ويندا آهن ته پوري پروٽوڪول سان ويندا آهن، سيڪيورٽي گارڊ ساڻس گڏ هوندا آهن، حضرت مولا علي رضي الله عنه سان گڏ اهڙي ڪا ٻه سيڪيورٽي نه هئي، پاڻ عام ماڻهن وانگر بازار ۾ تشريف کڻي آيا هئا، تنهنڪري کجورون وڪرو ڪرڻ واري کين نه سڃاتو. حضرت علي رضي الله عنه جڏهن عورت جي سفارش ڪئي ته ان دڪاندار مَعَاذَ اللہ! حضرت علي