تندي نه نيولي يـۍ۔ اوس نجات صرف پۀ زر عمل کولو کښې دے۔ پۀ تاسو پسې شاته يو تادي کوونکے طالب دے او هغه قبر دے۔ واورئ! قبر د جَنَّت د باغونو نه يو باغ يا د دوزخ د کندو نه يوه کنده ده۔ واورئ! دا قبر هره ورځ درې ځله خبرې کوي او وائي: زۀ د تيارې کور يم، زۀ د وحشت کور يم او زۀ د حشراتو کور يم۔ واورئ! د دې قبر نه پس يوه داسې ورځ ده د کومې نه چې بَله سخته ورځ نۀ ده راغلې۔ پۀ هٰغه ورځ به ماشومان بوډاګان شي او مشران به پۀ هوش کښې نه وي۔ الله پاک فرمائي:

تَذْهَلُ كُلُّ مُرْضِعَةٍ عَمَّاۤ اَرْضَعَتْ وَ تَضَعُ كُلُّ ذَاتِ حَمْلٍ حَمْلَهَا وَ تَرَى النَّاسَ سُكٰرٰى وَ مَا هُمْ بِسُكٰرٰى وَ لٰكِنَّ عَذَابَ اللّٰهِ شَدِیْدٌ(۲) (پارہ:17، سورۀ حج:2)

ترجمهٴ کنزُ العِرفان: د هرې پۍ ورکوونکې نه به خپل د پئيو خوړلو والا ماشوم هير شي او هره حمل والا به خپل حمل وغورځوي او تۀ به خلق وِينې لکه پۀ نشه کښې چې دي حالانکې هغوئي به نشه کښې نۀ وي خو دا ده چې د الله عذاب ډير سخت دے۔

واورئ! د دې نه پس داسې ورځ (يعنې قيامت) دے د کومې نه چې بَله سخته ورځ نشته۔ پۀ هٰغه ورځ به دوزخ غرغنډې وهي، د هغه ګرمي به سخته وي او د هغې ژور والے به ډير زيات وي۔ د هٰغه دوزخ کالے د اوسپنې ګرز او د هغۀ اوبۀ وينې زغوې دي، پۀ دې کښي د الله پاک د رحمت هيڅ حصه نشته۔ دا يـې چې واوريدل نو خلقو ډير وژړل بيا حضرت علي المُرتضیٰ رَضِىَ اللهُ عَـنْهُ ارشاد وفرمائيلو: د هغې نه پس هم يوه ورځ ده۔ (د کومې پۀ باره کښې چې الله پاک فرمائيلي دي:)

وَ  سَارِعُوْۤا  اِلٰى  مَغْفِرَةٍ  مِّنْ  رَّبِّكُمْ  وَ  جَنَّةٍ  عَرْضُهَا  السَّمٰوٰتُ  وَ  الْاَرْضُۙ-اُعِدَّتْ  لِلْمُتَّقِیْنَۙ(۱۳۳)

(پارہ:4، سورۀ ال عمران:133)

ترجمهٴ کنزُ العِرفان:  او د خپل رب بخښنې او د هٰغه جَنَّت طرف ته منډې کړئ چې د هغې پراخي د اسمانونو او د زمکې برابره ده۔ هغه د پرهيزګارو د پاره تيار کړے شوے دے۔

الله پاک دې مونږه جَنَّت ته داخل کړي او د دردناک عذاب نه مو دې بچ کړي۔ ^([1])