Book Name:Maula Ali رَضِیَ اللہُ عنہ Ke Jannati Baghaat
اچولے کيږي۔([1])
خوږو او محترمو اِسلامي وروڼو! اندازه ولګوئ چې د بندګانو د حقونو معامله څومره سخته ده، نن وخت دے، موقع ده، مونږ ټولو له پکار دي چې د بندګانو د حقونو پۀ معامله کښې ډير حساس اوسو، وړومبے خو د چا حق وه نۀ خورو، چا ته څۀ تکليف وه نۀ رسوو، خُدائے دې نۀ کړي که زمونږ پۀ وجه د چا زړۀ ازار هم شي نو فوراً ترې معافي او بخښنه وغواړو۔
اِمام غزالي رَحْمَةُ اللهِ عَلَيْه د احياءُ العلوم پۀ دويم جلد کښې پۀ تفصيل سره د بندګانو حقونه بيان کړي دي۔ د هٰغه ځائے نه د بندګانو د حقونو بيان ولولئ نو اِنْ شَآءَ اللہُ الْکَرِیم! د حقونو پوره کولو ذِهن به مو هم جوړ شي او پۀ دې باره کښې به درته ډير معلومات هم حاصل شي۔
الله پاک دې مونږ ته د عمل کولو توفيق راعطا کړي۔
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔
(2): پۀ اخرت کښې خپل کور جوړ کړه!
خوږو او محترمو اِسلامي وروڼو! د اَميرُ المُؤمِنِين حضرت مولیٰ علي مشکل کُشا رَضِىَ اللهُ عَـنْهُ دويم نصيحت څۀ دے۔۔۔؟؟ راځئ چې واورو! حضرت بايزيد بِسطامي رَحْمَةُ اللهِ عَلَيْه ډير لوئي وَليُّ الله دے، يو ځل د هغوئي بخت رابيدار شو او پۀ خوب کښې ورته د مسلمانانو څلورم خليفه، مولیٰ علي مشکل کُشا رَضِىَ اللهُ عَـنْهُ تشريف راوړلو، حضرت بايزيد بِسطامي رَحْمَةُ اللهِ عَلَيْه پۀ ادب سره عرض اوکړو: اے اَمِيرُ المُؤمِنِين رَضِىَ اللهُ عَـنْهُ ! ما ته څه فائده منده خبره وښايئ! هغوئي يو څو نصيحتونه اوکړل، بيا يـې وفرمائيل: د ټولو نه بهترين نصيحت دا دے، پۀ دومره