دي * د خوئيندو وروڼو هم حقونه دي * اِسلام د ګاؤنډيانو حقونه هم ساتلي دي * د دوستانو خپلوانو هم حقونه ساتلے شوي دي * د محلې والؤ هم حقونه دي * د دکاندارانو هم حقونه دي * د ګاهک هم حقونه دي، د دې ټولو حقونه پوره کول دي۔ اِنْ شَآءَ اللہُ الْکَرِیم!  

د بندګانو د حقونو اهميت ډير زيات دے

خوږو او محترمو اِسلامي وروڼو! دا خبره هميشه ياده ساتئ چې د حُقُوقُ العِباد (يعنې د بندګانو د حقونو) معامله ډيره نازکه ده بلکې علمائے کرام فرمائي: پۀ يو لحاظ سره د حُقُوقُ العِباد معامله ډيره سخته ده ځکه چې د قيامت پۀ ورځ به که الله پاک وغواړي نو خپل حقونه به معاف کړي خو د بندګانو حقونه به د هغې پورې نۀ معاف کيږي، د څو پورې چې يـې هٰغه بنده پخپله معاف نۀ کړي۔

او آه! نن پۀ دُنيا کښې خو پۀ معافۍ غوښتو، پۀ څۀ ورکولو څوک راضي کيدے خو هم شي خو د قيامت پۀ ورځ۔۔۔!! آه! هٰغه سخته ورځ، پۀ هٰغه ورځ به نۀ مال او دولت وي، نۀ به صرف پۀ لاس جوړه کولو کار کيږي، هر يو به د نيکو د پاره سر وهلے بر وهلے ګرځي، ځان به پۀ څۀ طريقه د دوزخ نه د بچ کولو او جَنَّت ته د رسولو پۀ فِکر کښې وي، پۀ هٰغه ورځ به د بندګانو نه خپل حقونه معاف کول ډير ګران شي۔

خپلې نيکۍ  د لاس نه تللے شي

د حضرت ابو هريره رَضِىَ اللهُ عَـنْهُ نه روايت دے، اخري نبي، مکي مَدَني صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چا چې د چا پۀ عزت يا پۀ څۀ بل څيز سره زياتے کړے وي نو هغه له پکار دي چې د هٰغې ورځې د راتللو نه مخکښې هم نن دې معافي حاصله کړي پۀ کومه ورځ چې به ورسره درهمې او دينارونه نۀ وي۔ که د هغه سره نيک اعمال وي نو د ظلم برابر به د هغې نه اخستلے کيږي او که نيکۍ نۀ وې نو د ظلم برابر د مظلوم ګناهونه به پۀ هغۀ باندې