دا طُوبیٰ څۀ دي ؟ پۀ دې باره کښې روايت واورئ! حضرت ابو جعفر رَحْمَةُ اللهِ عَلَيْه فرمائي: د رسولِ رحمت، شفيعِ اُمَّت صَلَّى اللهُ عَلَيْهِ وَاٰلِهٖ وَسَلَّم پۀ خِدمت کښې پوښتنه اوکړے شوه: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! پۀ دې آيت کښې د طُوبیٰ څۀ مطلب دے؟ اوئې فرمائيل: دا يوه وَنه ده، د کومې جرړې چې زما پۀ (جنَّتي) محل او ښاخونه پۀ ټولو محلونو کښې خوارۀ دي۔

دا موقع تيره شوله، يو ځل بيا د نبي کريم صَلَّى اللهُ عَلَيْهِ وَاٰلِهٖ وَسَلَّم پۀ خدمت کښې هم دغه پوښتنه وشوه، پۀ دې ځل رسول الله صَلَّى اللهُ عَلَيْهِ وَاٰلِهٖ وَسَلَّم وفرمائيل: طُوبیٰ پۀ جنَّت کښې يوه وَنه ده، د هغې جرړې د علي المُرتضیٰ رَضِىَ اللهُ عَـنْهُ پۀ (جنَّتي) محل کښې او ښاخونه پۀ ټول جنَّت کښې خوارۀ دي۔

صحابۀ کرامو رَضِىَ اللهُ عَـنْهُم عرض اوکړو: پۀ دې معامله پوهه نۀ شو، وړومبے ارشاد شوے وو چې د طُوبیٰ وَنې جرړې د نبي کريم صَلَّى اللهُ عَلَيْهِ وَاٰلِهٖ وَسَلَّم پۀ جنَّتي محل کښې دي، اوس ارشاد وشو چې د دې جرړې د علي المُرتضیٰ رَضِىَ اللهُ عَـنْهُ پۀ جنَّتي محل کښې دي، د دې څۀ مطلب دے؟ خوږ محبوب صَلَّى اللهُ عَلَيْهِ وَاٰلِهٖ وَسَلَّم وفرمائيل: اِنَّ دَارِیْ وَ دَارَ عَلِیٍّ غَدًا فِی الْجَنَّۃِ وَاحِدَةٌ يعنې بے شکه پۀ جنَّت کښې به زما او د علي محل هُم پۀ يو ځائے کښې وي۔^([1])

عاشقِ  مصطفیٰ           مرتضیٰ، مرتضیٰ          سیدُ الاولیا                  مرتضیٰ، مرتضیٰ

ہیں خائفِ خُدا          مرتضیٰ، مرتضیٰ          متقی پارسا                 مرتضیٰ، مرتضیٰ

شہرِ علم کے ہیں باب مرتضیٰ، مرتضیٰ          بُو الحسن بُو تراب          مرتضیٰ، مرتضیٰ

خوږو او محترمو اِسلامي وروڼو! د مولیٰ علي رَضِىَ اللهُ عَـنْهُ شانونه خو ډير زيات دي، دومره زيات دي چې زمونږ پۀ شان بے کاره هيڅکله د هغوئي د شان بيانولو حق نشي ادا کولے، وخت مختصر دے، راځئ چې د حضرت مولیٰ علي رَضِىَ اللهُ عَـنْهُ درې نصيحتونه واورو: