1۔ایک دوسرے کی نفسیات کو پہچان لیں تو اتفاق رہے گا،جب  اپنی سوچ کودوسرے پرنافذکرنے کی کوشش کریں  گےتو پھراتفاق مشکل ہے ۔ ^([1])

2۔ذمّہ داران کا باہم اتحاد و اِتّفاق بہت  ضَروری ہے۔^([2])

3۔ہرایک کوچاہئے  کہ بغیراجازتِ شرعی دوسرے انسان کے بارے میں بغض وعداوت والی چیزاپنے دل میں نہ  رکھے ۔ہرایک اپنے دل کو دوسرے کے بغض وکینے سے پاک رکھے۔آپس میں محبت ،پیاراورعملی طورپر بھائی بھائی بن کررہے ۔ ^([3])

4۔اگرایک طبیعت کے خلاف بات کردے تو دوسرے کو صبرکرنا چاہئے ۔^([4])

5۔ہم کسی کو نگران بناسکتے ہیں مگرلوگوں کے دل میں نہیں اُتارسکتے ،لوگوں کے دل میں وہ خوداپنے حُسنِ اخلاق اورنرمی وعاجزی سے اُترسکتاہے ۔^([5])

6۔تحریک چلتی نہیں ، چلائی جاتی ہے۔جہاں کام ہوتاہے وہاں مسائل (Issues)بھی ہوتے ہیں ، مسائل کو حل کرکے آگے بڑھنا چاہئے۔^([6])

7۔نگران کو ماتحتوں سے حاکمانہ انداز رکھنے کے بجائے درخواست (Request) والا اندازاپنانا چاہئے ۔تنظیمی سسٹم میں ایک اہم بات یہ ہے کہ ایک دوسرے کا احترام  کیا جائے۔^([7])