الْکَرِیم! اللہ پاک ہم سے راضی ہو جائے گااور اگر اللہ پاک ہم سے راضِی ہو گیا تو اِنْ شَآءَ اللہ الْکَرِیم! بگڑی سَنْور جائے گی، یہ اللہ والوں کی شان ہے، یہ ان کا مَقام و مرتبہ ہے،  اس نیک بندے کو اللہ پاک نے بصیرت سے  نوازا تھا، ہماری حالت اس سے برعکس ہے، خدانخواستہ آج ہمارے ساتھ ایسا مُعامَلہ ہو تو ہمیں ایسا نہیں کرنا، بلکہ ہمیں اللہ پاک سے دعا کرنی ہے، دین دار نیک لوگوں سے مشورہ کرنا ہے۔

غرض؛ ہر چیز کے کچھ خفیہ اَسباب بھی ہوتے ہیں، ہماری نگاہیں صِرْف ظاہِری اسباب پر جاتی ہیں، مثلاً *فُلاں چیز کھا لی تھی تو بیمار ہو گیا، فُلاں ڈاکٹر سے دَوا لی تو آرام آ گیا *موٹر سائیکل کی بریک(Brake) فیل ہو گئی تھی تو گِر گیا *کِیل لگ گئی تھی تو گاڑی پنکچر(Puncture) ہو گئی۔ یہ دُرست ہے، ایسا ہوتا ہے مگر ان ظاہِری اسباب کے پیچھے بھی کچھ اسباب ہوتے ہیں۔ ہمیں ظاہری اسباب کے اُن خفیہ اسباب کو بھی سمجھنا چاہیے۔ قرآن و حدیث میں ان اسباب کا ذِکْر موجود ہے، تفصیل کے ساتھ موجود ہے، بَس ہمیں ان کا عِلْم حاصِل کرنے کی ضَرورت ہے۔

خیر! آیتِ کریمہ میں اسی بات کا دَرْس دیا گیا، فرمایا:

قَدْ كَانَ لَكُمْ اٰیَةٌ (پارہ:3، سورۂ آل عمران:13)

تَرجَمۂ کَنزالْعِرفَان:بیشک تمہارے لیے بڑی نشانی ہے۔

یعنی یہ غزوۂ بدر تمہارے لیے نشانی ہے، اس میں غور کرو! سمجھ جاؤ گے کہ فتح، غلبہ، کامیابی کا سبب مال و دولت، افرادی قُوَّت اور وسائِل کی کَثْرت نہیں ہے، بلکہ اس کا خفیہ سبب کچھ اور ہے...؟ وہ کیا ہے؟