جَنّٰتٍ تَجْرِیْ مِنْ تَحْتِهَا الْاَنْهٰرُ یُحَلَّوْنَ فِیْهَا مِنْ اَسَاوِرَ مِنْ ذَهَبٍ وَّ لُؤْلُؤًاؕ-وَ لِبَاسُهُمْ فِیْهَا حَرِیْرٌ(۲۳) وَ هُدُوْۤا اِلَى الطَّیِّبِ مِنَ الْقَوْلِۚۖ-وَ هُدُوْۤا اِلٰى صِرَاطِ الْحَمِیْدِ(۲۴) (پارہ:17، الحج:23-24)

نیک اعمال کرنے والوں کو ان باغوں میں داخل فرمائے گا جن کے نیچے نہریں جاری ہیں انہیں ان باغوں میں سونے کے کنگن اور موتی پہنائے جائیں گے اور جنتوں میں ان کا لباس ریشم ہو گا اور انہیں پاکیزہ بات کی ہدایت دی گئی اور انہیں تمام تعریفوں کےلائق (اللہ) کا راستہ دکھایا گیا ۔

یہ 4انعامات ہیں: (1):انہیں جنّتی باغات عطا کیے  جائیں گے (2):یہاں انہیں سونے کے کنگن(Golden Bracelets) اور موتی(Pearls) پہنائے جائیں گے (3): ان کا لباس مبارک ریشم(Silk) کا ہو گا (4):انہیں پاکیزہ بات کی ہدایت دی گئی اور سب خوبیوں والے رَبِّ کریم کی راہ دِکھائی گئی۔  

سُبْحٰنَ اللہ! کیا شان ہے مولیٰ علی  رَضِیَ اللہ عنہ   کی...!!

تعالَی اللہ تری شوکت تری صَولَت کا کیا کہنا     کہ خطبہ پڑھ رہا ہے آج تک خیبر کا ہر ذرّہ

مسلمانو! رسولُ اللہ کی الفت اگر چاہو      کرو اس کی غلامی جس کا ہر مومن ہوا بندہ^([1])

مولیٰ علی کے جنّتی باغات

حضرت علی المرتضیٰ،شیرِ خُدا  رَضِیَ اللہ عنہ  فرماتے ہیں: میں رسولِ  رحمت، مالِکِ جنّت  صَلَّی اللہ عَلَیْہِ وَ آلِہٖ وَ سَلَّم  کے ساتھ مدینے کے کسی راستے سے گزر رہا تھا، ہم ایک باغ(Garden) کے قریب سے گزرے، میں نے کہا: یارسولَ اللہ  صَلَّی اللہ عَلَیْہِ وَ آلِہٖ وَ سَلَّم ! یہ کتنا خوبصُورت باغ ہے...!! فرمایا: ‌لَكَ ‌فِي ‌الْجَنَّةِ ‌اَحْسَنُ ‌مِنْهَا(یعنی اے علی!) تمہیں جنّت میں اس سے بھی خوبصورت باغ دیا جائے گا۔ پِھر ہم چلتے چلتے ایک اور باغ کے قریب سے گزرے،میں نے عرض کیا: یارسولَ اللہ