Maula Ali رَضِیَ اللہُ عنہ Ke Jannati Baghaat

Al Quran Books Madani Channel

Magazine Courses Media

پیارے اسلامی بھائیو! اَلحمدُ للہ! ماہِ رمضان اپنی برکتیں لُٹا رہا ہے، ابھی کچھ ہی دِن بعد جہنّم سے آزادی کاعشرہ شروع ہو جائے گا، اَلحمدُ للہ!اب بھی رحمتوں کی برسات ہے، بخشش کے پروانے تقسیم ہو رہے ہیں، جلد ہی مزید رحمتیں برسنا شروع ہو جائیں گی، پِھر آخری عشرے میں تو شبِ قدر بھی آنی ہے، لہٰذا ہم سب کو چاہیے کہ مغفرت کی طرف دوڑ پڑیں۔ اس کا طریقہ کیا ہو گا؟ یہی کہ جتنی عبادات کر رہےہیں، آخری عشرہ آتے ہی ان میں اضافہ کر دیں۔ مسلمانوں کی پیاری اَمِّی جان حضرت عائشہ صِدِّیقہ رَضِیَ اللہ عنہا فرماتی ہیں: ہمارے پیارے آقا، مکی مَدَنی مُصطفےٰ صَلَّی اللہ عَلَیْہِ وَ آلِہٖ وَسَلَّم ماہِ رمضان کے اِبتدائی 20 دِن عِبَادت بھی فرماتے، آرام بھی کیا کرتے، پِھر جب آخری عشرہ تشریف لاتا تو عبَادت پر خُوب کمر بستہ ہو جایا کرتے تھے۔^{(^[1])}

ہمیں بھی چاہیے کہ اِن آخری اَیّام کو غنیمت جانیں، اِن میں خُوب عِبَادت و ریاضت پر کمر بستہ ہو جائیں، اچھا تو یہی ہے کہ آخری عشرے کا اِعْتکاف کر لیں، مسجد میں پڑے رہیں گے تو اِنْ شَآءَ اللہ الْکَرِیْم! گُنَاہوں سے بھی بچے رہیں گے اور نیکیوں کا میٹر(meter) بھی چلتا رہے گا۔ زیادہ اچھا یہ ہے کہ دعوتِ اسلامی کے تحت ہونے والے اِجتماعی اِعتکاف میں شرکت کر لیں، اَلحمدُ لِلّٰہ! *اجتماعی اعتکاف کا پُورا جدول بنا ہوتا ہے *مُعَلِّم(سِکھانے والے)موجود ہوتے ہیں*عِلْمِ دِین سیکھنے سکھانے کا سلسلہ بھی ہوتا ہے *عِبادات بھی ہوتی ہیں اور *اعتکاف کے دِن کیسے گزارنے ہیں؟ زیادہ سے زیادہ نیکیاں کیسے کمانی ہیں؟ لمحہ لمحہ اُس کی راہنمائی بھی ہوتی رہتی ہے۔

[1]...مسلم، کتاب الاعتکاف، باب الاجتہاد فی العشر الاوخر من شہر رمضان،صفحہ:429، حدیث:1174۔

Important

Mobile Apps

Contact Us