لیلۃ الجائزہ میں عبادت کی ترغیب

پیارے اسلامی بھائیو! آہ...!!ماہِ رمضان ہم سے جدا ہو رہا ہے، ماہِ ذیشان ہمیں چھوڑ کر جارہا ہے، اس ماہِ مبارک کی ہر گھڑی ہی رحمت بھری ہے، اللہ پاک نے جہاں ہمیں لیلۃ القدر جیسی عظیم رات عطا کی وہیں اس مبارک ماہ کے فوراً بعد لیلۃ الجائزہ یعنی انعام کی رات بھی عطا فرمائی ہے*اس رات اللہ پاک اپنی رحمتوں کا نزول فرماتا ہے*یہ مغفرت کی رات ہے *یہ رات اپنے رب کی عبادت کرنے کی رات ہے کہ جو بندہ اس رات اللہ پاک کی عبادت کرتا ہے اللہ پاک اس پر جنّت کو واجب کر دیتا ہے۔^([1])* جو بندہ اس رات کو اللہ پاک کی عبادت میں گزارے گا اللہ پاک اس کا دل مردہ نہیں فرمائے گا۔ حدیثِ پاک میں ہے: جس  نے عیدین (یعنی عیدالفطر اورعید الاضحٰی) کی رات طلبِ ثواب کیلئےقیام کیا ،اُس دن اُس کا دِل نہیں مرے گا، جس دن (لوگوں کے) دِل مرجائیں گے۔^([2])*تمام عاشقانِ رسول خصوصاً معتکفین کو چاہیے کہ یہ رات مسجدوں میں اللہ پاک کی عبادت میں گزاریں کہ حضرت ابراہیم نَخَعی  رَحمۃُ اللہ عَلَیْہ  فرماتے ہیں : بزرگا نِ دین  رَحمۃُ اللہ عَلَیْہم اعتکاف کرنے والےکیلئے اس بات کوپسند فرماتے تھے کہ عید الفطر کی رات  مسجدہی میں گزاریں۔^([3])

شش عید کے روزے کی ترغیب

اے عاشقانِ رسول!  رمَضانُ المبارَک کے بعد شوّالُ الْمُکَرَّم کی آمدآمد ہے۔ خوش نصیب مسلمان اس مہینے میں عید الفطر کے بعد 6 روزے رکھنے کی سعادت حاصل کرتے