آوازیں آتی ہیں،نمازیں تو نہیں پڑھی جاتیں مگر فلمیں ڈرامے ضرور دیکھے جاتے ہیں، درس تو نہیں ہوتا مگر گالی گلوچ ،لڑائی جھگڑے ،اللہ پاک کی نافرمانیاں ضرور ہوتی ہیں۔  ہمیں چاہئے کہ ہم اپنے گناہوں سے پکی سچی توبہ کریں،تلاوتِ قرآن کی کثرت کریں، اللہ پاک کی بارگاہ میں جھک جائیں ،اپنے ربّ کریم کو راضی کرلیں ،اگر ہم نے ربّ کریم کو راضی نہ کیا ،نمازیں نہ پڑھیں ،تلاوتِ قرآن نہ کی تو ہم دُنیا وآخرت میں برباد بھی ہوسکتے ہیں۔

اےعاشقانِ رسول!یقیناً ہمارے لیے بہتر یہی ہے کہ ہم بھی قرآنِ کریم کی اَہَمِّیَّت کو سمجھیں، اس کی عظمت کو سمجھیں اور اس سے اپنا تعلق مضبوط کریں۔ایک مسلمان کا سب سے زیادہ مضبوط تعلق(Connection)قرآنِ پاک سے ہی ہونا چاہیے۔ * یہ وہ مُقدَّس کتاب ہے جس میں دنیا جہاں کے تمام مسائل کا حل مَوجُود ہے۔* جو ہمیں نیکیاں کرنے پر اُبھارتی ہے،*ربِّ کریم اور رسولِ کریم صَلَّی اللّٰہُ عَلَیْہِ واٰلِہٖ وَسَلَّمَ کی فرمانبرداری کا حکم دیتی ہے۔*جس کو پڑھناعبادت ہے۔ *اس کو دیکھنا عبادت ہے۔ * جس کی تعلیمات پر عمل کرنا بھی عبادت ہے۔*جس میں ہمارے لیے دِینی، دنیاوی، معاشی، سماجی، معاشرتی، اخلاقی تمام پہلوؤں کے بارے میں رہنمائی موجود ہے۔*حق اور سچ کیا ہے ؟*سیدھا اور روشن راستہ کیا ہے؟*زندگی کیسے اچھی ہوسکتی ہے؟* آخرت کیسے بہتر ہو سکتی ہے؟*اچھے اخلاق کون سے ہیں؟* بہترین رزق کیا ہے؟ * حکمت و دانائی کیا ہے؟*ترقی کیا ہے؟یہ تمام چیزیں ہمیں قرآن بتاتا ہے۔ اَلْغَرَض! قرآنِ پاک میں ہرچیز کابیان  ہے۔