زرو * يوه د سپينو زرو ده * د دې خَټه (د خختو انښلولو د پار پۀ مينځ کښې استعماليدونکے څيز) خوشبو دار مشک دي * د هغې کاڼي د ملغلرو او ياقوتو دي * د هغې خاوره د زعفرانو ده * څوک چې جَنَّت ته داخل شي هغه به خوشحاله وي * چرې به نۀ مايوسه کيږي * پۀ جَنَّت کښې به هميشه اوسيږي، هغۀ له به چرې هم مرګ نۀ راځي * د هغۀ جامې به نۀ زړيږي * او د هغۀ ځواني به چرې هم نۀ ختميږي۔ ^([1])

جَنَّتيانو ته به تکليف نۀ کيږي

حضرت مجاهد رَحْمَةُ اللهِ عَلَيْه فرمائي: د جَنَّتي وَنو تَنې د سرور زرو دي، د هغې څانګې د زمرودو او د ياقوتو دي، د هغې پاڼې او ميوې ښکته رازوړندې دي، که خوړونکے پۀ ولاړه ميوه راشوکول غواړي نو هغۀ ته به مشقت کول نۀ وي، که پۀ ناسته يـې راشوکول غواړي نو هم به ورته تکليف نۀ وي او که پۀ ملاسته ملاسته يـې راشوکول غواړي نو هم به هغه ته څۀ تکليف نۀ وي۔ ^([2])

آيا جَنَّتيان به هم خوراک څښاک کوي۔۔۔؟

حضرت زيد بن اَرقم رَضِىَ اللهُ عَـنْهُ فرمائي: يو ځل يو غير مسلمه کَس د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ خدمت کښې حاضر شو او عرض يـې اوکړو: اے ابو القاسِم صَلَّى اللهُ عَلَيْهِ وَاٰلِهٖ وَسَلَّم! تاسو څۀ فرمايۍ چې جَنَّتيان به خوراک څښاک کوي؟ اوئې فرمائيل: آؤ! پۀ هٰغه ذات باندې مې دې قَسم وي د کوم پۀ قبضه کښې چې زما ځان دے! بے شکه جَنَّتيانو ته به پۀ خوراک څښاک کښې د 100 نارينؤ همره طاقت ورکولے