غرض دا زمونږه عمومي رويه ده، مونږ د دُنيا کارونه وړومبے او د اخرت کارونه وروستو کوو۔ الله پاک پۀ قرآنِ کريم کښې فرمائي:

بَلْ تُؤْثِرُوْنَ الْحَیٰوةَ الدُّنْیَا٘ۖ(۱۶) (پارہ:30، سورۀ اعلیٰ:16)

ترجمهٴ کنزُ العِرفان: بلکې تاسو دُنيائي ژوند ته ترجيح ورکوئ۔

يعنې آؤ! آؤ! دا تاسو يـۍ چې پۀ نيکو کښي وړاندې نۀ ځۍ، د الله پاک ذِکر نۀ کوئ، نصيحت نۀ حاصلوئ، ولې؟ ځکه چې تاسو د دُنيا عارضي او فاني ژوند له ترجيح ورکوئ خو

وَ الْاٰخِرَةُ خَیْرٌ وَّ اَبْقٰىؕ(۱۷) (پارہ:30، سورۀ اعلیٰ:17)

ترجمهٴ کنزُ العِرفان: او اخرت بهتر او باقي پاتې کيدونکے دے۔

خوږو او محترمو اِسلامي وروڼو! څومره زورنه راکړے شوې ده مونږ ته، د دُنيا کارونه به هم کيږي، اخرت کوم چې هميشه پاتې کيدونے دے، بهتر دے، باقي دے، دې له ترجيح ورکړئ، د جَنَّت کار کوئ! د دُنيا کارونه به هم پخپله کيږي۔

خير! مونږ له د دې جَنَّت د پاره خواهش کول پکار دي او واقعي چې جَنَّت هم داسې دے چې د هغې د پاره انسان خواهش اوکړي۔ راځئ چې لږ د جَنَّت ښکلے ذِکر واورو:

جَنَّت د کوم څيز نه جوړ کړے شوے؟

صحابئ رسول حضرت ابو هريره رَضِىَ اللهُ عَـنْهُ فرمائي: مونږ پۀ بارګاهِ رسالت صَلَّى اللهُ عَلَيْهِ وَاٰلِهٖ وَسَلَّم کښې عرض اوکړو: يَا رَسُولَ اللَّهِ! مِمَّ خُلِقَ الْخَلْقُ؟ يا رسولَ الله صَلَّى اللهُ عَلَيْهِ وَاٰلِهٖ وَسَلَّم! مخلوق د کوم څيز نه جوړ کړے شوے دے؟ اوئې فرمائيل: د اوبو نه۔ مونږ عرض اوکړو: مونږ د جَنَّت د ودانۍ پۀ باره کښې خبر کړئ! اوئې فرمائيل: * د جَنَّت يوه خخته د سرو