Book Name:Jannat Ke Baharain
پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ([1])
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښۀ ښۀ نِيَّتونه وكړئ: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔
صَلُّو ْا عَلَي الْحَبيب! صَلَّي الله عَلٰي مُحَمَّد
د صحابئ رسول، د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د خادِم حضرت اَنس بن مالِک رَضِىَ اللهُ عَـنْهُ نه روايت دے، يو ځل حضرت جبرائيل امين عَلَیْهِ السَّلَام بارګاهِ رسالت ته حاضر شو، د هغوئي سره ډيره پړقيدونکې آئينه وه، پۀ هغې کښې يو وړوکے شان تور داغ لګيدلے وو۔ خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم وفرمائيل: جبرائيله! دا پړقيدونکې آئينه څۀ شےدے؟ عرض يـې اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! دا د جُمعې د ورځې مثال دے او دا چې کوم تور داغ دے، دا د جُمعې هٰغه ساعت دے، د کوم پۀ ذريعه چې تاسو ته او ستاسو اُمت ته پۀ مخکښينو اُمتونو باندې فضيلت درکړے شوے دے۔ دا هٰغه ساعت دے چې پۀ دغه وخت کښې مسلمان د الله پاک نه څۀ خير هم وغواړي، الله پاک يـې ورعطا کوي، د کومې بدۍ نه چې پناه وغواړي، الله پاک هغه ته پناه عطا کوي۔