Book Name:Jannat Ke Baharain
راځي، يعنې پۀ دې دُنيا کښې مونږ هر ساعت د فنا طرف ته روان يو۔ ميا محمد بخش صاحب رَحْمَةُ اللهِ عَلَيْه څۀ ښکلي وئيلي وو:
سدا نہ باغِیْں بلبل بولے، سدا نہ باغ بہاراں
سدا نہ ماپے، حُسْن جوانی، سدا نہ صحبت یاراں
مفهوم: پۀ باغ کښې بلبله هميشه نۀ چغيږي، نۀ پۀ باغ باندې هميشه سپرلے وي۔ دغه شان مور پلار، حُسن، ځواني، طاقت او قوت او د دوستانو محفلونه هم هميشه نۀ وي۔
دا د دُنيا دستور دے، دلته هر ساعت د فنا طرف ته بوتلل کوي خو د جَنَّت دستور به ځانګړے وي۔ د صحابئ رسول حضرت ابو هريره رَضِىَ اللهُ عَـنْهُ نه روايت دے چې آخري نبي صَلَّى اللهُ عَلَيْهِ وَاٰلِهٖ وَسَلَّم فرمائي: زما دې پۀ هٰغه ذات باندې قَسم وي چا چې پۀ مُحَمَّد صَلَّى اللهُ عَلَيْهِ وَاٰلِهٖ وَسَلَّم باندې قرآن نازل کړے! پۀ دُنيا کښې چي څنګه ساعت پۀ ساعت بوډا والے راځي، هم داسې به پۀ جَنَّت کښې ساعت پۀ ساعت حُسن زياتيږي۔ ([1])
څومره ښکلے شان دے۔۔۔!! پۀ جَنَّت کښې خو فنا کيدل هډو شته نۀ، هلته خو هډو مرګ نشته، ځکه به هلته خلق د مرګ طرف ته نۀ ځي، د بوډا والي او کمزورۍ طرف ته به نۀ ځي بلکې پۀ هر راتلونکي ساعت کښې به د جَنَّتيانو حُسن او جمال نور هم زياتيږي۔
د صحابئ رسول حضرت اَنَس بن مالِک رَضِىَ اللهُ عَـنْهُ نه روايت دے، رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائي: بے شکه پۀ جَنَّت کښې يو بازار دے، هلته به