(5) اُن  جي ئي تمنا ڪن، تمنا ڪرڻ وارا

پيارا اسلامي ڀائرو! اسان انسان آهيون، اسان جون دليون هِرکي پونديون آهن * وڏي گاڏي ڏسي دل هِرکِي پوندي آهي * وڏو گهر، ڪوٺي، بنگلو ڏسي دل لالچ ڪندي آهي * مال ۽ دولت جي گهڻائي، ڪنهن جو لگزري لائف سٽائل(Luxury lifestyle) ڏسي منهن ۾ پاڻي اچي ويندو آهي * وڏي عهدي جي دل تمنا ڪندي آهي * عزت ۽ شهرت جي لاءِ دل چاهيندي آهي ۽ خبر نه آهي ته الائي ڇا ڇا ڏسي دل ۾ حسرت جاڳندي آهي، دل تڙپي پوندي آهي.

دل کي للچائڻ گهرجي پر انهن دنيا جي، فاني، عارضي شين جي لاءِ نه بلڪه جنت جي لاءِ للچائڻ گهرجي۔ الله پاڪ قرآن ڪريم ۾ جنت جو ذڪر فرمايو، جنتين کي ملڻ وارن انعامن جو ذڪر ڪيو، ان کان پوءِ فرمايو:

وَ فِیْ ذٰلِكَ فَلْیَتَنَافَسِ الْمُتَنَافِسُوْنَؕ(۲۶) (پارو: 30، سورة المطففين: 26)

ترجموڪنزالعرفان: ۽ رغبت ڪرڻ واري کي انهيءَ ۾ رغبت ڪرڻ گهرجي۔

(6)صحابيءِ  رسول  جي  جنت  سان  محبت

روايت آهي ته: ڪنهن غزوي جي موقعي تي، پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم  صحابهءِ ڪرام رَضِیَ اللهُ عَنْہم کي جنت جو شوق ڏياريندي فرمايو:

وَ  سَارِعُوْۤا  اِلٰى  مَغْفِرَةٍ  مِّنْ  رَّبِّكُمْ  وَ  جَنَّةٍ  عَرْضُهَا  السَّمٰوٰتُ  وَ  الْاَرْضُۙ- (پارو: 4، سورة آل عمران: 133)

ترجموڪنزالعرفان: ۽ پنهنجي رب جي بخشش ۽ ان جي جنت ڏانهن ڊوڙو جنهن جي چوڙائي آسمانن ۽ زمين جي برابر آهي.

ان وقت اِبْنِ قَسْحَم نالي هڪ انصاري صحابي رَضِیَ اللهُ عَنْہُ موجود هئا، اُهي هيءَ آيت ٻڌي جھومي اٿيا ۽ ديوانگي جي عالم ۾ چيائون: واہه واہه ...!! ڇا ته ڳالهه آهي۔ محبوب صَلَّى اللهُ عَلَيْهِ وَاٰلِهٖ وَسَلَّم  پڇيو: تو واہه واہه...!! ڇو ڪئي؟ عرض ڪيائين: يا رسول الله صَلَّى اللهُ عَلَيْهِ وَاٰلِهٖ وَسَلَّم ! جيڪڏهن مان جنت ۾ داخل ٿي وڃان ته ڇا جنت منهنجي لاءِ وسيع ٿي ويندي؟ فرمايائون: ها بلڪل۔ عرض ڪيائين: منهنجي ۽ جنت جي وچ ۾ ڪيترو فاصلو آهي؟ فرمايائون: بس ايترو جو دشمن جي