جڏهن جمعي جي رات ۽ جمعي جو ڏينهن ايندو آهي (يعني خميس ڏينهن سج لهڻ کان وٺي جمعي جي ڏينهن سج لهڻ تائين)، هڪ هڪ گهڙيءَ ۾ اهڙا 10، 10 لک گنهگار جهنم کان آزاد ڪيا ويندا آهن، جيڪي عذاب جا حقدار ٿي چڪا هوندا آهن. ^([1])

عاصیوں كی  مغفرت  كا  لے كر آیا ہے پیام    جُھوم  جاؤ  مجرمو  رَمَضاں مہ ِغُفران ہے

دو جہاں كی  نعمتیں ملتی ہیں روزہ  دار كو         جو نہیں  ركھتا ہے روزہ  وہ بڑا نادان ہے^([2])

    الله پاڪ اسان کي ماههِ رمضان جو به قدر نصيب فرمائي ۽ جمعي جي ڏينهن جو به قدر عطا فرمائي۔

(4)جمعي  جي  ڏينهن  ڪرڻ  وارا  ڪم

* جمعي جي ڏينهن عمامو ٻڌو، ڇو ته  جمعي جي ڏينهن عمامو ٻڌڻ وارن تي فرشتا درود موڪليندا آهن^([3]) * نَنهَن ڪٽيو * غسل ڪريو! * نئون يا ڌوتل وڳو پايو! * مريضن جي عيادت ڪريو! * موقعو ملي ته جنازي نماز ۾ شرڪت ڪريو! * سورة ڪهف شريف ۽ سورة يٰس شريف جي تلاوت ڪريو! * هڪ اهم عمل ساعتِ جمعه ۾ دعا گهرو! ساعتِ جمعه (يعني جمعي جي ڏينهن قبوليت جي گهڙي) ڪهڙي وقت ايندي آهي،  مشهور مفسّرِ قرآن، مُفتي احمد يار خان نعيمي رَحۡمَةُ اللهِ عَلَيۡه لکن ٿا: هن گهڙيءَ جي مُتعلق ڪجهه عالمن سڳورن جا 40 قول آهن، جن ۾ 2 قول وڌيڪ قوي آهن. (1) ٻن خطبن جي وچ وارو وقت قبوليت جي گهڙي آهي، (2) سج لهڻ کان پهريان وارو وقت قبوليت جو آهي۔ تنهنڪري انهن ٻنهي وقتن ۾ دعا گهرو! اِنْ شَآءَ اللہُ الْکَرِیْم!  جيڪا دعا گهرندؤ، اُها قبول ٿيندي۔

ياد رکو! ٻن خطبن جي دوران دعا دل ئي دل ۾ گهرڻي آهي، هٿ نه کڻڻا آهن. ^([4])