قَدْ رَضِيتُ عَنْكُمْ رِضَاءً اَحَلَّكُمْ دَارِی وَاَنَالَكُمْ كَرَامَتِی

ترجمو: مان توهان کان اهڙو راضي ٿي ويو آهيان جو پنهنجي رضا جي سبب توهان کي پنهنجي گهر ۾ جاءِ ڏني ۽ توهان کي پنهنجي (طرفان) ڪرامت (عزت ۽ بزرگي) عطا ڪئي۔

ان کان پوءِ الله پاڪ انهن تي تجلي فرمائيندو، ماڻهو پنهنجي رب جو ديدار ڪندا۔ بس پوءِ اهلِ جنت جي نظر ۾ جمعي کان وڌيڪ پسنديده ٻيو ڪو ڏينهن نه هوندو۔^([1])

پيارا اسلامي ڀائرو! هن ايمان افروز روايت ۾  2سکڻ جون ڳالهيون آهن:

(2)جمعو  غريبن  جو  حج  آهي

پهرين نمبر تي ان ۾ جمعي جي فضيلت آهي ته جمعي جو ڏينهن هن امت جي لاءِ خاص تحفو آهي * جمعو يومِ عيد آهي * جمعو سڀني ڏينهن جو سردار آهي * جمعي جي ڏينهن جهنم جي باهه نه ٻارِي ويندي آهي * جمعي جي رات دوزخ جا دروازا نه کُلَندا آهن * فرشتا جمعي جي ڏينهن کي يَوْمُ الْمَزِيْد (يعني وڌيڪ عنايتن جو ڏينهن) چوندا آهن * حديث پاڪ ۾ آهي: ‌اَلْجُمُعَةُ ‌حَجُّ الْمَسَاكِينِ  يعني جمعو مسڪينن جو حج آهي۔ ^([2])

(3)رمضان جي جمعي جي فضيلت

پيارا اسلامي ڀائرو! جمعو ته عام ڏينهن ۾ به سردار آهي، هاڻي ته ان ۾ اَلحَمۡدُلله! رمضان ڪريم جون برڪتون به شامل آهن، اسان جي پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم  جو فرمانِ ذيشان آهي: الله پاڪ ماههِ رمضان ۾ روزانو افطار جي وقت 10 لک (One million) اهڙن گنهگارن کي جهنم کان آزاد فرمائيندو آهي جن تي جهنم واجب ٿي چڪو هوندو آهي۔