جنت جون بَهارُون

Al Quran Books Madani Channel

Magazine Courses Media

نيت ڪريو! * الله پاڪ جي رضا جي لاءِ بيان ٻڌندس * بَاادب ويهندس * خوب تَوَجُّه سان بيان ٻڌندس * جيڪو ٻڌندس، ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

(1)جنت جي سڀ کان وڏي نعمت

صحابيءِ رسول، خادمِ مصطفيٰ حضرت انس بن مالڪ رَضِیَ اللهُ عَنْہُ کان روايت آهي، هڪ ڀيري حضرت جبرائيل اَمين عَلَيۡهِ السَّلَام بارگاههِ رسالت ۾ حاضر ٿيا، انهن وٽ هڪ تمام گهڻو چمڪندڙ آئينو (Shiny mirror) هو، جنهن جي اندر هڪ ننڍڙو ڪارو نقطو هو۔ پياري آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم فرمايو: جبرائيل! هي چمڪندڙ آئينو ڇا آهي؟ عرض ڪيو ويو: يا رسول الله صَلَّى اللهُ عَلَيْهِ وَاٰلِهٖ وَسَلَّم! هي جمعي جي ڏينهن جو مثال آهي ۽ هي جيڪو ڪارو نقطو آهي، اِهو اُها ساعتِ جمعه (يعني جمعي جي گهڙي) آهي، جنهن جي ذريعي توهان کي ۽ توهان جي امت کي اڳين امتن تي فضيلت بخشي وئي آهي۔ هيءَ اُها گهڙي آهي جو ان وقت مسلمان الله پاڪ کان جيڪا به ڀلائي گهرندو آهي، الله پاڪ کيس عطا فرمائيندو آهي ۽ جنهن به برائي کان پناهه گهرندو آهي، الله پاڪ ان کان کيس پناهه ڏيندو آهي.

حضرت جبرائيل عَلَیْهِ السَّلَام وڌيڪ عرض ڪيو: يا رسول الله صَلَّی اللہُ عَلَیْہِ وَ آلِہٖ وَ سَلَّم ! جمعي جي ڏينهن کي اسان ملائڪ یَوْمُ الْمَزِیْد چوندا آهيون۔ پڇيائون: یَوْمُ الْمَزِیْد ڇا آهي؟ عرض ڪيو ويو: جنت الفردوس ۾ هڪ وادي آهي، جمعي جي ڏينهن اُتي نور ۽ سون جا منبر لڳايا ويندا، انبياءِ ڪرام عَلَیْهِم السَّلَام انهن نوري منبرن تي تشريف فرما ٿيندا، صديقين، شهدا ۽ نيڪ ٻانها سون جي منبرن تي ويهندا، سڀ اتي جمع ٿي الله پاڪ جي حمد ۽ ثنا ڪندا، الله پاڪ انهن کي فرمائيندو: سَلُوْنِي (مون کان گهرو!) ٻانها عرض ڪندا: مولا! اسان تنهنجي رضا چاهيون ٿا۔ الله پاڪ فرمائيندو:

Important

Mobile Apps

Contact Us