تلاوتِ  قرآن  سنت  آهي

فرمانِ آخري نبي، رسول هاشمي صَلَّى اللهُ عَلَيْهِ وَاٰلِهٖ وَسَلَّم: (1) منهنجي امت جي افضل عبادت تلاوتِ قرآن آهي.^([1])

اي عاشقانِ رسول! قرآنِ ڪريم جي تلاوت ڪرڻ سنت آهي. اسان جا پيارا آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم ڪثرت سان قرآن ڪريم جي تلاوت فرمائيندا هئا * حضرت عائشه صديقه رَضِیَ اللهُ عَنْہا فرمائن ٿيون: ڪا به شيءِ پاڻ صَلَّى اللهُ عَلَيْهِ وَاٰلِهٖ وَسَلَّم کي تلاوت کان نه روڪيندي هئي * پاڻ صَلَّى اللهُ عَلَيْهِ وَاٰلِهٖ وَسَلَّم  رات جي نماز ۾ ڪڏهن ڪڏهن پوري سورت بقره ۽ سورت آل عمران جي تلاوت فرمائيندا هئا * روزانو رات جو سورت سجده، سورت مله، سورت بني اسرائيل، سورت زمر، سورت ڪافرون، سورت فلق ۽ سورت ناس جي تلاوت ڪري سمهندا هئا.

الله پاڪ اسان کي به خوب تلاوتِ قرآن ڪرڻ جي توفيق عطا فرمائي.

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .

الٰہی خوب دے شوق قرآں کی تلاوت کا  شَرَف دے گنبدِ خضرا کے سائے میں شہادت کا

مختلف سنتون ۽ آداب سکڻ لاءِ مڪتبة المدينه جي "بهارِ شريعت" جلد:3، حصو:16 ۽ امير اهل سنت مولانا الياس قادري دَامَتْ بَرَکَاتُہُمُ الْعَالِیَه  جو 91 صفحن جو رسالو "550 سنتون ۽ آداب" خريد فرمايو ۽ پڙهو! سنتون سکڻ جو هڪ ذريعو دعوتِ اسلامي جي قافلن ۾ عاشقانِ رسول سان گڏ سنتن ڀريو سفر به آهي.

اُلفتِ مصطفےٰ اور خوفِ خدا                     چاہئے گر تمہیں قافلے میں چلو

گر مدینے کا غم چاہئے چَشمِ نَم                   لینے یہ نعمتیں قافلے میں چلو ^([2])

الله پاڪ اسان کي عمل جي توفيق عطا فرمائي.  اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

صَلُّو ْا عَلَي الْحَبيب!                                    صَلَّي الله عَلٰي مُحَمَّد