الله اکبر! پيارا اسلامي ڀائرو! واقعي ڳالهه ته سوچڻ جي آهي، اسان وٽ تفريحي مقامن تي، جتي ناچ گانا ٿيندا آهن، طرح طرح جا گناهه ٿي رهيا هوندا آهن، اهڙين جاين تي وڃڻ لاءِ به ٽڪيٽ هوندي آهي، پئسا لڳندا آهن، هٿين خالي اُتي به نه ٿا وڃي سگهون ته پوءِ سوچيو! جنت ۾ خالي هٿين ڪيئن وڃي سگهنداسين۔ تنهنڪري اسان کي پنهنجا هٿ ڀريل رکڻ گهرجن، پئسن سان نه، پر نيڪين سان۔ هڪ نيڪي  جو موقعو ملي، هڪ ڪري وٺون، چئن نيڪين ڪرڻ جو موقعو ملي ته چار ڪري وٺون، بس هڪ هڪ نيڪي ڪري پاڻ وٽ نيڪين جو ذخيرو ڪندا رهون۔ ميان محمد بخش رحمة الله عليه    اشارن جي صورت ۾ اسان کي سمجهائيندي فرمائن ٿا:

لَوئے لَوئے بَھْر لَے کُڑْئیے جَے تُدْھ بَھَانْڈَا بَھْرْنَا

شَامْ پَئْی بَنْ شَامْ مُحَمَّدْ، گَھْر جَانْدِی نِیْں ڈَرْنا

 وضاحت: اي شخص! پنهنجي ٿانوَ کي جيترو ڀرڻو اٿئي، آهستي آهستي ڀريندو رَهُه،  نيڪيون ڪندو رھ...!! شام ٿيندي، يعني موت ايندو، جهنگ هوندو، انڌيري قبر هوندي، وحشت ۽ تنهائي هوندي پر جيڪڏهن تو پنهنجو ٿانءُ ڀريو هوندو ته دنيا مان واپس وڃڻ وقت توکي ڪو خوف نه ٿيندو.

(19)دعائن  جي  ڪثرت  ڪريو!

(4): چوٿون نيڪ عمل جيڪو جنت ۾ وٺي ويندو، اهو آهي: دعائن جي ڪثرت۔ ^([1])  حضرت انس رَضِیَ اللهُ عَنْہُ  کان روايت آهي، محبوبِ ذيشان، مڪي مدني سلطان صَلَّى اللهُ عَلَيْهِ وَاٰلِهٖ وَسَلَّم  فرمايو: جيڪو الله پاڪ کان 3 ڀيرا جنت گهرندو آهي، جنت پاڻ چوندي آهي: اي الله پاڪ! هن کي جنت ۾ داخل فرمائي ڇڏ۔^([2])