(14)جنتين  جو حُسن  وڌندو  رهندو

جنت جي هڪ ٻي به خاص ڳالهه آهي، هن دنيا ۾ اسان جڏهن کان آيا آهيون، اسان جي عمر مسلسل وڌي رهي آهي، اسان هڪ هڪ منٽ بلڪه هڪ هڪ سيڪنڊ پراڻا ٿي رهيا آهيون، پوڙهائپ ڏانهن وڌي رهيا آهيون، جيئن جيئن عمر وڌندي آهي، تيئن تيئن حُسن، جواني، طاقت ۽ قوت ۾ گهٽتائي ايندي رهندي آهي، يعني هن دنيا ۾ اسان لمحو لمحو فنا ڏانهن وڌي رهيا آهيون۔ ميان محمد بخش صاحب رَحْمَةُ الـلّٰـهِ عَـلَيْه    ڇا ته خوب چيو هو:

سَدَا نَہ بَاغِیْں بُلْبُلْ بَوْلِے، سَدَا نَہ بَاغْ بَہَارَاں

سَدَا نَہ مَاپِّے، حُسْن جَوَانی، سَدَا نَہ صُحْبَتْ یَارَاں

مفهوم: باغ ۾ بلبل جون ٻوليون هميشه نه رهنديون آهن، نه ئي باغ ۾ هميشه بهار (Spring) رهندي آهي. اهڙي طرح ماءُ پيءُ، حسن، جواني، طاقت ۽ دوستن جي صحبت (Company)                        به هميشه نه رهندي آهي.

هي دنيا جو دستور (Custom) آهي، هتي هر لمحو فنا ڏانهن وٺي وڃڻ وارو آهي پر جنت جو دستور نرالو هوندو۔ صحابيءِ رسول حضرت ابو هريره رَضِیَ اللهُ عَنْہُ  کان روايت آهي ته الله پاڪ جي آخري رسول صَلَّى اللهُ عَلَيْهِ وَاٰلِهٖ وَسَلَّم  فرمايو:   مون کي ان ذات جي قسم آهي جنهن محمد صَلَّى اللهُ عَلَيْهِ وَاٰلِهٖ وَسَلَّم  تي قرآن نازل فرمايو! دنيا ۾ جهڙي طرح لمحي لمحي پوڙهائپ ايندي رهندي آهي، اهڙي طرح جنت ۾ هر گهڙي حسن وڌندو رهندو۔^([1])

ڇا شان آهي...!! جنت ۾ فنا ته آهي ئي ڪو نه، اتي موت ته اچڻو ئي نه آهي، تنهنڪري اتي ماڻهو موت جي طرف نه وڌندا، پوڙهائپ ۽ ڪمزوري (Weakness)                          ڏانهن نه وڌندا بلڪه هر ايندڙ لمحو جنتين جي حسن ۽ جمال ۾ اضافو ڪندو۔