(System)  جي خرابي ڄاڻو ٿا ڇا آهي؟ هر اهو شخص جيڪو پيسي وارو آهي، وڌيڪ طاقت (Power) وارو آهي، وڏي عهدي وارو آهي، اهو ٻين تي ظلم به ڪندو آهي، ٻين کي معمولي به سمجهندو آهي، ٻين جا حق به کسيندو آهي. ڇو؟ ان لاءِ ته هو ڄاڻي ٿو ته مان پيسي وارو آهيان، طاقت، قانون (Law) سڀ ڪجهه منهنجي گهر جا غلام آهن، ڪو منهنجي وار کي نقصان نٿو پهچائي سگهي، تنهنڪري هو سرِعام ظلم ڪندو آهي، ائين معاشرو هڪ عجيب بي اعتدالي (Imbalance) جو شڪار ٿي ويندو آهي. ۽ هي صرف ڪتابي ڳالهيون نه آهن، مغربي تهذيب ۾ اهڙو سڀ ڪجهه ٿي رهيو آهي. هن سڀني جو سبب ڇا آهي؟ انهن معاشري ۽ تهذيب جو بنياد بقا تي رکيو. بس جيڪو سمجهي ٿو ته ڪو منهنجو ڪجهه به بگاڙي نٿو سگهي، اهو سرڪشي تي لهي ايندو آهي. سچي ڳالهه  هي آهي ته مٿان کان هي قانون ئي غلط آهي. حقيقت (Ground Realty) هي آهي ته هتي ڪنهن کي بقا نه آهي، زمين تي جيڪو ڪجهه آهي، سڀ فاني(Mortal)  آهي. قرآنِ پاڪ ۾ آهي:

كُلُّ مَنْ عَلَیْهَا فَانٍۚۖ(۲۶)(سيپارو: 27، الرحمٰن: 26)

ترجموڪنزُ العرفان: زمين تي جيتري مخلوق آهي سڀ فنا ٿيڻ واري آهي.

هن مغربي تهذيب جي مقابلي ۾ اسلام جي خوبصورتي ڏسو! اسلام تهذيب (Civilization)، اخلاق، ڪردار(Character)، هر شيءِ جو بنياد الله پاڪ جي رضا تي رکيو آهي * هڪ حقيقي مسلمان ٻين سان ان لاءِ نيڪي ناهي ڪندو ته سڀاڻي هو به ان سان نيڪي ڪندو بلڪه ان جو مقصد (Purpose) رب جي رضا هوندي آهي * هڪ حقيقي مسلمان ٻين کي تڪليف ڏيڻ کان ان لاءِ باز ناهي رهندو ته هي تڪليف کان بچي وڃي