اللہ پاڪ جو حضرت آدم عَلَيۡهِ السَّلَام کي جنت مان زمين تي لاهڻ به انهيءَ حيثيت سان هو (يعني فرمايو ويو: اي آدم عَلَيۡهِ السَّلَام! زمين تي وڃو! توهان جي پُٺي مبارڪ ۾ جيڪا اولاد آهي، انهن ۾ جيڪي نالائق آهن، انهن کي اتي ڇڏيو! بار لاهي توهان ۽ توهان جي جنت جي لائق اولاد واپس تشريف آڻيو! تڏهن اطمينان سان جنت ۾ رهجو) ^([1])

بي دين هميشه دشمني ڪندا آهن

پيارا اسلامي ڀائرو! هتان اسان کي هي به معلوم ٿي ويو ته ڪجهه ماڻهو جيڪي هي چوندا آهن: سڀ پنهنجي پنهنجي جاءِ تي ٺيڪ آهن. جيڪو جنهن رستي تي هلندو آهي، ڪفر ڪندو آهي يا مسلمان رهندو آهي، سڀ ٺيڪ آهن. سندن اها سوچ (Thinking) بلڪل غلط آهي. سڀ ته ڪڏهن به ٺيڪ نٿا ٿي سگهن. مسلمانَ مسلمان آهن، غير مسلم غير مسلمَ آهن، جيئن باهه (Fire) ۽ پاڻي هڪ جاءِ تي گڏ نٿا ٿي سگهن، ائين ئي حق تي هلندڙ ۽ غلط رستن جا مسافر ڪڏهن هڪ نٿا ٿي سگهن.

سَتِیْزہ کار رہا ہے اَزَل سے تا اِمْرَوز                                                    چراغِ مصطفوی سے شرارِ بُولَہْبِی^([2])

وضاحت: يعني هميشه کان ائين ٿيندو آيو آهي ته چراغِ مصطفويءَ(يعني سچي دين جي نور) سان شرارِ بولهبي (يعني باطل فتنا) دشمني ڪندا آيا آهن.

 الله پاڪ اسان کي هميشه حق جي رستي تي هلندو رهڻ جي توفيق نصيب فرمائي.

اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم .

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد