بي دين، هڪ جنتي، ٻيا جهنمي ۽ انهن جي پاڻ ۾ هميشه جي دشمني هئي، تنهنڪري الله پاڪ پاڻ عَلَيۡهِ السَّلَام کي جنت مان زمين تي موڪليو ته اي آدم عَلَيۡهِ السَّلَام! زمين تي وڃو! توهان جي اولاد زمين تي رهندي، انهن ۾ فرق (Difference) ڪيو ويندو، پوءِ قيامت جي ڏينهن جيڪي جهنمي آهن، اهي جهنَّم ۾ هليا ويندا ۽ توهان ۽ توهان جي جنتي اولاد کي ٻيهر هميشه هميشه لاءِ جنت ۾ داخل ڪيو ويندو! ^([1])

عجيب سوال، خوبصورت جواب

   حضرت عبد الله بن عباس رَضِیَ اللهُ عَنْہما صحابيءِ رسول آهن، علم تفسير جا تمام ماهر (Expert)  هئا، کين سُلْطَانُ الْمُفَسِّرِیْن چيو ويندو آهي. هڪ ڀيري روم جي بادشاهه کين خط لکيو ۽ عجيب سوال پڇيو، اُن لکيو: جنهن شخص وٽ مهمان (Guest) آيو، ڇا ان کي هي مناسب آهي ته هو مهمان کي گهر مان ڪڍي ڇڏي؟ (ان جو اشارو حضرت آدم عَلَيۡهِ السَّلَام جي طرف هو ته پاڻ جنت ۾ هئا، پوءِ الله پاڪ انهن کي زمين تي اچڻ جو حڪم ڏنو)

جيئن سوال انوکو هو، حضرت عبد الله بن عباس رَضِیَ اللهُ عَنْہما جواب به تمام نرالو(Unique)  ڏنو، پاڻ ان کي جواب ۾ لکيو: مهمان کي گهر مان ڪڍڻ ته مناسب نه آهي، البت! جڏهن مهمان گهر ايندو آهي ته ان کي چيو ويندو آهي: سفر جا ڪپڙا لاهي فريش(Fresh) ٿي وڃو! (يعني هٿ منهن ڌوئي وٺو! مِٽي ڌوڙ ڇنڊي وٺو! بيت الخلا جي حاجت هجي ته پوري ڪري وٺو!)، پوءِ اطمينان سان دسترخوان (Dinning Mat)  تي ويهجو.