يعني جڏهن حضرت آدم عَلَيۡهِ السَّلَام جنت ۾ هئا ۽ جنتي وڻ جو ميوو کائڻ وارو واقعو ٿيو، ان کان پوءِ الله پاڪ فرمايو، ڇا فرمايو:

اهْبِطُوْا(سيپارو: 1، البقرة: 36)

ترجموڪنزُالعرفان: توهان هيٺ لهي وڃو،

يعني اي آدم عَلَيۡهِ السَّلَام! توهان ۽ توهان جي پُٺيءَ ۾ توهان جي جيڪا اولاد آهي، توهان سڀ جنت مان زمين تي لهي وڃو! ^([1])

بَعْضُكُمْ لِبَعْضٍ عَدُوٌّۚ-(سيپارو: 1، البقرة: 36)

 ترجموڪنزُ العرفان: توهان هڪ ٻئي جا دشمن بڻجندؤ.

   يعني اي آدم عَلَيۡهِ السَّلَام! توهان جي اولاد هڪ ٻئي جي دشمن رهندي. غير مسلم مسلمانن سان هميشه دشمني ڪندا رهندا، باطل ۽ غلط رستي جا مسافر هميشه حق پرستن سان دشمني ڪندا رهندا. ^([2])

هڪ عوامي غلط فهمي جو ازالو

پيارا اسلامي ڀائرو! هتان هڪ عام غلط فهمي جو ازالو ٿئي ٿو. اسان وٽ ڪجهه بيباڪ ماڻهو هي چوندي ٻڌڻ ايندا آهن ته حضرت آدم عَلَيۡهِ السَّلَام اسان کي جنت مان ڪڍيو، جنتي ميوو انهن کاڌو ۽ برداشت اسان ڪري رهيا آهيون.

هي انتهائي گهٽيا (Cheap)      ڳالهه آهي، اسان کي حضرت آدم عَلَيۡهِ السَّلَام جنت مان زمين تي نه آندو بلڪ هي اسان ئي آهيون جيڪي انهن جي زمين تي اچڻ جو سبب (Reason)  بڻياسين. پاڻ عَلَيۡهِ السَّلَام ته پهريان به جنتي هئا، هاڻي به جنتي آهن، اصل ۾ سندن اولاد ۾ 2 قسمن جا ماڻهو هئا، هڪ ديندار ٻيا