Book Name:Aarzi Thikana
ڪير آهيان؟ حضرت مُطَرِّفْ بِنْ عبد الله رَحْمَةُ اللهِ عَلَيْهِ به ماشَآءَ اللهُ زندھ دل هئا، پاڻ نرمي سان ارشاد فرمايائون: ها! ڄاڻان ٿو توهان ڪير آهيو: اَوَّلُکَ نُطْفَةٌ مَذِرَةٌ توهان جي پهرين حالت هي آهي ته توهان هڪ ناپاڪ نطفو هئا،وَ آخِرُکَ جِیْفَةٌ قَذِرَةٌ توهان جي آخري حالت هي هوندي ته توهان هڪ گندا مردار ٿي ويندؤ وَاَنْتَ تَحْمِلُ الْعَذِرَةَ ۽ (انهن ٻنهي حالتن جي وچ ۾) توهان پيٽ ۾ گندگي کنيو ويٺا آهيو. هي ٻڌي مُهَلّب جي عقل ٺڪاڻي تي آئي، ان تڪبر واري چال ڇڏي ۽ اڳتي روانو ٿي ويو. ([1])
پيارا اسلامي ڀائرو! اها ئي اصل حقيقت آهي، اسان شروع ۾ ڪجهه نه هياسين، آخر ۾ لاش ٿي مٽي ۾ ملي وينداسين. ان جي وچ جو جيڪو عرصو آهي يعني هي اسان جي زندگي، اسان کي گهرجي ته هن زندگي کي سٺي نموني گذاريون * آڪڙ * وڏائي * تڪبر ڪرڻ * وڏيون وڏيون ڳالهيون * ڊاڙون هڻڻ * سرڪشي ڪرڻ اسان مٽيءَ جي انسانن کي سونهي نٿي. اسان هن دنيا ۾ آيا آهيون، اسان جو هتي اچڻ جو هڪ مقصد آهي، ان مقصد کي پورو ڪريون، هن دنيا ۾ دل نه لڳايون.
هڪ دفعو الله پاڪ جي نبي حضرت عيسيٰ عَلَيۡهِ السَّلَام جو ڪنهن جبل (Mountain) جي ويجهو کان گذر ٿيو، پاڻ ڏٺائون ته هڪ پوڙهو ماڻهو آهي، جبل جي ويجهو الله پاڪ جي عبادت ۾ مصروف آهي. پاڻ ان پوڙهي عابد کان پڇيائون: اي شخص! تو پنهنجي لاءِ گهر ڇو نه ٺاهيو، ان جي ذريعي ته سردي گرمي کان بچي وڃين ها؟ ان پوڙهي عبادت گذار تمام پيارو جواب ڏنو، چيو: اي الله پاڪ جا نبي عَلَيۡهِ السَّلَام! مان توهان کان پهريان نبين جي