* اسان ٻين سان ان لاءِ مرڪي ناهيون ملندا ته ٻيا اسان سان مرڪي مِلن * اسان ڪنهن جي مالي امداد (Financial Help)  ان لاءِ ناهيون ڪندا ته سڀاڻي اسان جي به مدد ڪئي ويندي بلڪه اسلام اسان کي سيکاري ٿو ته اسان کي هتي جيڪو ڪجهه ڪرڻو آهي، الله پاڪ جي رضا لاءِ ڪرڻو آهي. الله پاڪ فرمائي ٿو:

قُلْ اِنَّ صَلَاتِیْ وَ نُسُكِیْ وَ مَحْیَایَ وَ مَمَاتِیْ لِلّٰهِ رَبِّ الْعٰلَمِیْنَۙ(۱۶۲)(سيپارو: 8، الانعام: 162)

ترجموڪنزُالعرفان: اوهان فرمايو: بيشڪ منهنجي نماز ۽ منهنجون قربانيون ۽ منهنجو جيئڻ ۽ منهنجو مرڻ سڀ الله جي لاءِ آهي جيڪو سموري جهانن جو رب آهي.

ڊاڪٽر اقبال چيو هو:

بَر تَر اَز اَندیشۂ سُود و زیاں ہے زندگی

ہے  کبھی  جاں  تو  کبھی  تسلیمِ  جاں  ہے  زندگی ^([1])

 مفهوم: زندگي نفعي ۽ نقصان (Profit and Loss)  جي انديشن کان تمام مٿاهين شيءِ آهي، هميشه زندھ رهڻ جو نالو ئي زندگي نه آهي بلڪه جڏهن الله پاڪ جي رضا جان ڏيڻ ۾ هجي ته جان ڏيڻ زندگي بڻجي ويندو آهي.

هي اسلامي تهذيب (Islamic Civilization) جو حُسن آهي ته اسلامي تهذيب جو بنياد بقا تي نه بلڪ الله پاڪ جي رضا تي رکيو ويو آهي. جڏهن هي بنياد پوري طرح معاشري ۾ سمائجي وڃي ته امير غريب جو فرق مٽجي ويندو آهي، معاشري ۾ لِلّٰهِيَّت، اُخُوَّت، محبت، ڀائيچارو ۽ جان نثاري پروان چڙهندي آهي.